Gəncədə bərpa olunan enerjidən istifadə üzrə layihə tətbiq edilir

02-05-2015 / 18:17

Gəncədə alternativ və bərpa olunan enerjidən istifadə üzrə pilot layihə tətbiq edilir.

Dünyanın bir çox qabaqcıl ölkəsində olduğu kimi son zamanlar Azərbaycanda da alternativ və bərpa olunan enerjidən istifadə üzrə əsaslı işlər görülüb. Gəncədə enerjinin bu növünün pilot layihə olaraq tətbiqinə başlanılıb.

Gəncənin 39 nömrəli orta məktəbində və Gəncə uşaq evində quraşdırılan qurğular uğurla sınaqdan keçirilib. Burada həm 1.5 kilovat elektrik enerjisi istehsal edən günəş panelləri və həmçinin 1.5 ton su qızdırmaq imkanına malik olan günəş suqızdırıcısı quraşdırılıb. Layihə ətraf rayonlarda da icra olunur.

Ekoloji ekspert İrşad Abbasov bildirib ki, Goranboy və Tovuz rayonlarında 30 fərdi evdə günəş suqızdırıcı batareyaları quraşdırılıb: "Bu qurğular həmin ailələrin il ərzində məişətdə istifadə etdikləri suları qızdırmaq gücündədirlər. Yay aylarında bu qurğular istifadə olunan suları 90, qış aylarında isə 45-50 dərəcə isitmək gücündədir”.

İlkin olaraq qurğunun quraşdırılmasında istifadə olunan günəş batareyaları və digər avadanlıqlar xaricdən gətirilirdisə, hazırda ölkə daxilində istehsal olunur. Bu da öz növbəsində günəş batareyalarının quraşdırılmasının daha ucuz başa gəlməsinə səbəb olur. Alternativ və bərpa olunan enerjidən istifadə, digər yancaq vasitələrinə olan tələbatı azaltmaqla yanaşı ekoloji baxımdan da zərərsizdir. Ekspertlər bu enerji növünün inkişafı üçün ölkənin iqlim şəraitini olduqca əlverişli hesab edir. (Trend)


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.