MilliNet 2016-da Nominant statusu alan mobil tətbiqlər

18-12-2016 / 13:16

Milli İnternet Mükafatı - Milli Net 2016 müsabiqəsində səsvermənin 1-ci mərhələsi başa çatıb. 

Məlumat verdiyimiz kimi, bu il müsabiqəyə 11 Nominasiya üzrə 303 sayt təqdim edilib. Onlardan yalnız qaydalara uyğun olan 238 sayt müsabiqəyə qəbul edilib və səsvermədə iştirak edib.

Xeberler.az olaraq hər bir nominasiya üzrə Nominant statusu qazanan saytlar haqqında oxuculara məlumat veririk.

Ötən yazımızda  MilliNet-in "Xidmət (Servis) -eTicarət”, “Ən yaxşı soisal şəbəkə” Nominasiyaları üzrə seçilən saytları haqda məlumat vermişdik.

Bu dəfə isə MilliNet-in "Mobil Tətbiqlər” Nominasiyası üzrə seçilən tətbiqləri və haqqında qısa məlumatları oxucuların nəzərinə çatdırırıq.

Bunlar “Kvotter.com”, “Metbex.CookBook”, “Goal.az”, “Shrippy.com”, “Hara Gedek-Baku”, “Baku-Cars”, “Bakucityguide” saytlardır.

İndi isə bu mobil tətbiqlər haqda qısa məlumatları təqdim edirik:

Kvotter.com- Tətbiq kitab, qəzet, jurnal, veb sayt və s.-dən bəyəndiyiniz sitatları kopyalamaq və paylaşmaq üçün mobil sosial şəbəkə platformasıdır. Kvotter tətbiqi vasitəsilə siz həm sitatları CLOUD-da saxlaya, həm dostlarınız ilə paylaşa, həm yeni kitab və yazıçılar axtarmaqla biliklərinizi genişləndirə bilərsiniz.

Metbex.CookBook- Reseptlərdən ibarət olan Metbex proqramı istifadəçilərə rahat və asan şəkildə resept tapmağı, və ən əsası reseptin neçə nəfərlik üçün olduğunu hesablamağa kömək edir.

Goal.az- Gola.az İnformasiya Portalının mobil əlavəsidir. Portal oxuculara gün ərzində ölkədə və dünyada baş verən aktual və maraqlı idman hadisələri haqqında xəbərləri operativ olaraq Azərbaycan dilində təqdim edir.

Shrippy.com- Shrippy tətbiqi şəkil üzərinə marka və qiymət təq etməyə imkan yaradan bir mobil tətbiqdir.

Hara Gedek-Baku - Bu proqram vasitəsi ilə Bakı şəhərində olan əyləncə, iaşə obyektləri, ticarət mərkəzləri, restoran və kafelər barədə məlumat ala, şəkillərini nəzərdən keçirə və əlaqə nömrələrinə bir başa zəng edə bilərsiniz. Tətbiq həm iOS, həm də Android istidadəçiləri üçün istifadəyə verilib.

Baku-Cars -Avtomobil alışı və satışı proqramıdır. Belə ki avtomobilinizin şəklini telefonun kamerası ilə çəkib platformaya yükləyirsiniz. Daha sonra avtomobilinizin göstəricələri və qiyməti haqda məlumatları əlavə etdikdən sonra elanınız proqramında yayımlanacaq.

Bakucityguide -Azərbaycanı ziyarət edən xarici turistlərlər üçün hazırlanmış bir proqramdır. Proqram Bakı şəhərində olan bütün məkanları özündə cəmləyir və turistə bütün məkanlar haqqında ətraflı informasiya verir.

Məlumat verdiyimiz kimi, hazırda MilliNet-in Nominantı olan saytlar 2-ci qiymətləndirmə mərhələsində mübarizəni davam etdirir. Səsvermənin 2-ci mərhələsi bu gün 00:00-da başa çatacaq. 2-ci səsvermənin nəticəsindən asılı olaraq hər Nominasiya üzrə qaliblər seçiləcək.

Milli İnternet Mükafatının ənənəvi yekun təqdimat mərasiminin dekabrın 22-də , saat 18.00-da Bakı Biznes Mərkəzində keçirilməsi nəzərdə tutulub.

Təşkilat Komitəsindən bildirildiyinə görə, Nominant statusu əldə edən hər bir layihə MillNet Yekun Təqdimat mərasiminə dəvətlidir.

Müsabiqədə 11 Nominasiyanın hər biri üzrə qalib gələnlərə Milli Net-in tuncdan hazırlanmış xüsusi mükafatı – hörümçək əks olunan buta təqdim olunacaq.

2-ci və 3-cü yerlərin qaliblərinə diplomlar və  həmçinin BestComp şirkəti və Lenovo şirkətlərinin hədiyyələri təqdim olunacaq.

Milli İnternet Mükafatına Rabitə və Yüksək Texnologiyalar Nazirliyi dəstək verir. Delta Telecom, BestComp və Lenovo şirkətləri də Milli İnternet Mükafatına dəstək verirlər.

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.