Ekspert: "EHİM-in hazırladığı məlumat eGov sahəsində çalışan İT şirkətinin illik press relizini xatırladır"

11-01-2022 / 21:49
Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzi (EHİM), ötən ilin yekunu ilə bağlı hesabat xarakterli bir məlumat yayıb.
 
Hesabatda əsasən ötən illər ərzində nə qədər rəqəmsal həll yaradıldığına və nə qədər dövlət vəsaitinə qənaət etdilməsinə diqqət yönəldilib.
 
Xeberler.az məlumat verir ki, bu məsələyə Azərbaycan İnternet Formunun Prezidenti, ekspert Osman Gündüz münasibət bildirib.
 
Ekspertin sözlərinə görə, son illərdə ölkədə rəqəmsal hökumətə keçidlə bağlı müəyyən addımlar atılsa da, xüsusilə də son ildə eGov-un xarici resursdan asılılığını aradan qaldıran nəhəng ASAN Bridge sisteminin hazırlanması, regional eGov quruculuğuna start verilməsi və s. bu tip işlərlə yanaşı, uzun müddətdən bəri sektorda bir xeyli problemlər də öz həllini tapa bilmir.
 
"Xüsusilə də, dövlətə məxsus informasiya sistemlərinin inteqrasiyası və effektiv idarəetməsi ilə bağlı Prezidentin 2018-ci il 12 sentyabr taixli fərmanının indiyədək icra olunmaması eGov-un inkişafını hədsiz dərəcədə ləngidib.
 
Hələ də bir çox dövlət qurumları bir-birilərinin elektron sənədlərini tanımaqdan imtina edir. Dövlət qurumlarında elektron formada olan sənədlər digər dövlət qurumu tərəfindən kağız formada, hətta notarial qaydada təsdiqlənməklə yenidən tələb edilir.
 
Dövlət qurumları arasında eGov-la bağlı koordinasiyada ciddi problemlər var. Bəzi dövlət qurumları ümumiyyətlə bu işə sayğısız yanaşırlar və ASAN tərəfindən bu istiqamətdə atılan addımlar ciddi qarşılanmır.
 
Sanki hərə özü üçün bir e-xidmət yaradıb və "oturub" üzərində".
 
Osman Gündüz qeyd edib ki, son zamanlar rəqəmsal hökumət sektorunda vəziyyət ürəkaçan deyil, hətta inteqrasiyanın baş tutmaması ucbatından rəqəmsal hökumətlə bağlı işlər geriyə doğru gedir.
 
"Vətəndaşlar son zamanlar ASAN Xidmət Mərkəzlərində onlayn formada ödənişlərin hansısa dövlət qurumu tərəfindən qəbul edilməməsi səbəbindən geri qaytarılır və birbaşa banka yaxınlaşıb –çek əldə edərək ödəniş edilməsi tələb olunur. Bütün bunlar isə EHİM üçün ciddi siqnal olmalıdır.
 
Təəssüf ki, EHİM-in yuxarıda adı çəkilən məlumatında, yuxarıda sadalananların heç birisi haqqında məlumat əldə etmək mümkün deyil.
 
Düşünürəm ki, EHİM-in hesabat xarakterli məlumatında görülən işlərlə bərabər mövcud ciddi problemlərə də diqqət yetirilməliydi.
 
Hansı dövlət qurumları öz sistemlərini inteqrasiya edib və hansılar edə bilməyib, onların siyahıları nə üçün dərc edilmir, hansılar bilərəkdən bunu etmir, vətəndaşlar və biznes sektoru üçün hansı yeni təkliflər gözlənilir, e-ximətlərin keyfiyyətində hansı dinamika var və s".
 
Ekspert bildirib ki, EHİM ötən dövr ərzində nə qədər xidmətin sadələşdirilməsinin aparıldığına, bununla bağlı nə qədər hüquqi sənədlərə dəyişikliklərin təklif edildiyinə və bunun əsasında hansı normal elektron xidmətlər hazırlandığına dair hesabat verməlidir.
 
“Elektron Hökumət” Portalı və “myGov” Portalı arasındakı paralelçilik nə zaman aradan qaldırılacaq?
 
Osman Gündüz suala cavab olaraq qeyd edib ki, EHİM-in hazırladığı məlumat sanki eGov sahəsində fəaliyyət göstərən bir İT şirkətin illik press relizidir.
 
"Analmıram ki, bu cür strateji əhəmiyyət kəsb edən dövlət qurumunda kim və necə bu formada məlumat hazırlayıb açıqlaya bilər.
 
Bir daha təəssüflə bildirirəm ki, EHİM-in belə bir məlumatının yayılması olduqca qüsurlu və mahiyyətcə onun qarşısına qoyulan vəzifələrə uyğun gəlməyən bir haldır".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.