Savaş kosmosa çıxdı: Peyklər səmanı zəbt etdi, yer qalmadı

06-05-2021 / 18:57

"Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezident Osman Gündüz orbitə buraxılan peyklərlə bağlı son proseslərə toxunub.

Xeberler.az bildirir ki, ekspertin fikrincə, astronomlar səmanın çirklənməsi, qlobal şirkətlər isə orbitdə yer qalmadığı ilə bağlı şikayətlərə başlayıblar:

“Hədəfdə İlon Maskdır. Məlum olduğu kimi, onun Speys-X şirkətinin “Starlik” peykləri, o cümlədən də OnVeb (OneWeb) və digər şirkətlərin minlərlə peyki artıq göydədir. Bu peyklər dünyanın istənilən yerinə internet xidməti təqdim edəcək. Bu peykləri gecə vaxtı adi gözlə də müşahidə etmək olur. Yeri gəlmişkən, artıq Qazaxıstan və Ukrayna kimi ölkələr də adı çəkilən şirkətlərlə peyk interneti əldə etmək üçün müqavilələr imzalayıblar. İlon Maskdan yalnız göyləri zəbt etmək deyil, həm də kosmosu zibilləməklə bağlı şikayətlər var. Şirkətlər Maskı kosmosu inhisara almaqda ittiham edirlər”.

O.Gündüz qeyd edir ki, onlar Speys-X şirkətinin üstün texnoloji mövqedən istifadə etməsi və tələm-tələsik minlərlə peyki orbitə qaldırması səbəbindən kosmosda digər şirkətlər üçün məhdud sayda imkanların qaldığını, digər peyklərin siqnallarının bloklandığını bildirirlər:

“Təkcə “Starlink”in 1300 peyki artıq orbitdədir. Yaxın zamanlarda isə bunun 13 000 olacağı planlanıb. Astronomlar bildirirlər ki, peyklərin çoxluğu və xüsusilə də onların parlaqlığı elmi tədqiqatlara, elmin inkişafına mane olur. Bununla bağlı onlar BMT-yə şikayət də ünvanlayıblar. Onlar peyklərin qadağan olunmasını deyil, hamı üçün məcburi olan yeni tənzimləmələrin qəbul edilməsini, peyklərin parlaqlığının nizamlanmasını tələb edirlər”.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə