Telefonlar səslə idarə olunacaq

08-02-2016 / 14:20

Bir neçə gün əvvəl dünyanın ən məşhur texniki universiteti Massaçusets Texnologiya İnstitutu (MİT) kompüterlər üçün xüsusi olaraq hazırlanmış süni zəka mikroçipi təqdim edib.

Xeberler.az-ın xarici mətbuata istinadən verdiyi məlumata görə, Eyeriss adlı mikroçipin gələcək illərdə ağıllı telefonlarda da istifadə olunması gözlənilir.

Bundan başqa analitiklər mikroçipin daha az enerji sərf etməsi baxımından da araşdırma aparırlar.

Ağıllı telefonlarda da istifadə olunacaq Eyeriss hər kəsin sahib olduğu kiçik cihazları xüsusi funksiyalarla təmin edəcək. Müxtəlif süni zəka əməliyyatlarını tamamlamaq imkanına malik olan telefonlar bəlkə də tamamilə səsimizlə idarə edəcəyimiz cihazlar olacaq.

MIT analitiklərinin bildirdiyinə görə, Eyeriss-in istifadəsində sadə cümlə tərcümələri, üz və səs tanıma sistemi və telefon əməliyyatlarını idarəetmə imkanı olacaq.

Sadəcə ağıllı telefonarda deyil, eyni zamanda ağıllı saatlarla, robotlarla, sürücüsüz avtomobillərlə və Internet of Things mühitinə daxil olan digər bütün cihazlarla da Eyeriss mikroçipindən istifadə etmək mümkün olacaq. Eyeriss-in bu cihazlarda işləməsini təmin edən xüsusiyyəti “deep learning” adlanır.

Deep learning süni zəka sistemlərini öyrənmək imkanı yaradan və nə edəcəyini bilməsini təmin edən bir texnologiyadır.

MİT analitikləri kompüterlərdə uğurla "deep learning"i istifadə ediblər. Ancaq son dərəcə qarışıq alqoritmlərlə işləyən "deep learning" texnologiyası yüksək səviyyələrdə prosessor gücünə malik olmalıdır. Bu tələb isə ağıllı telefonlar üçün böyük bir problem olsa da , analitiklər bu texnologiya üçün həll yolunu tapa biliblər.

İnternet vasitəsilə əsas verilənlər bazasına məlumatları göndərən ağıllı telefonlar "deep learning" əməliyyatının tamamlanmasından sonra məlumatları geri qaytarır. Beləliklə, süni zəkanın olduğu cihazların prosessordan istifadəsi minimuma enir. 

Ağasəf Haqverdiyev


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.