İsveçrə hospitalları Matternet şirkətinin dronlardan istifadəyə əsaslanan avtonom çatdırılma sistemi ilə təchiz ediləcək.
Xeberler.az xarici mediaya istinadən məlumat verir ki, bu texnologiya tez bir zamanda xəstəxanalar arasında bütün zəruri materialların göndərilməsinə, həmçinin tibbi işçilərin göndərdiyi dərmanların yolda çatdırılmasına imkan verəcək.
İsveçrə hökuməti 2017-ci ilin mart ayında şirkətə əhalinin sıx məskunlaşdığı şəhərlər üçün dronlardan istifadəyə əsaslanan logistik şəbəkə yaratmağı tapşırıb. Bütün xəstəxanalar lazımi bioloji materiallar, dərmanlar və digər kiçik bağlamaları göndərərək bir-biri ilə əlaqədə olacaq. Yerdəyişməni xüsusi proqram vasitəsilə izləmək mümkün olacaq.
Texnologiya qəza və tıxacları unutduracaq. Bir xəstəxanada pasiyentə nadir tapılan qan lazım olduqda və o, yalnız şəhərin digər hissəsində yerləşən xəstəxananın ehtiyatlarında varsa, dron vasitəsilə göndəriləcək. Bu, yalnız materialın ötürülmə vaxtını azaltmayacaq, həm də təcili yardım avtomobilini ona daha çox ehtiyac duyulan yerə yönəltməyə imkan verəcək. Dronları idarə etməyi istənilən əməkdaş öyrənə biləcək. Belə ki, dronların idarəetmə interfeysi maksimal dərəcədə sadələşdirilib.
“Sərhədsiz həkim” proqramı ilə əməkdaşlıq edən Matternet şirkəti öz məhsullarını bütün dünyada tətbiq etmək niyyətindədir. Cari ilin sonunadək dronlar vasitəsilə çatdırılma sistemi bütün İsveçrəyə yayılacaq.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri