Torpaqlardan istifadəyə nəzarət müasir texnologiyalar əsasında keçiriləcək

17-10-2019 / 12:16

Azərbaycanda torpaqlardan istifadəyə və onların mühafizəsinə nəzarət müasir texnologiyalar əsasında – planşetlər vasitəsilə həyata keçiriləcək.

Xeberler.az bildirir ki, bunu layihənin təqdimatında çıxış edən Əmlak Məsələləri Dövlət Komitəsinin Torpaqların Dövlət İdarəetməsinin Təşkili üzrə Dövlət Agentliyinin direktorunun müavini Eldəniz Qafarov deyib.

Onun sözlərinə görə, Komitə digər sahələrlə yanaşı, torpaqlardan istifadəyə və onların mühafizəsinə dövlət nəzarətinin təkmilləşdirilməsi ilə bağlı torpaq inzibatçılığında yeni yanaşmalar, intensiv metodlar, mütərəqqi texnoloji yeniliklər tətbiq edir. 

Yeniliklərdən biri də təqdimatı keçirilən Torpaqların Elektron Kadastr Uçotu İnformasiya Sisteminin məlumatları əlavə olunan planşetlərdir. Planşetdən istifadə etməklə torpaq sahələrinə daha sistemli şəkildə nəzarət olunur, işin keyfiyyəti artır, idarəetmə mexanizmi təkmilləşir", - deyə E. Qafarov qeyd edib

O həmçinin əlavə edib ki, torpaq istifadəçiliyində növbəti yeniliklərdən biri də suni intellekt və peyk imkanlarından istifadə edilərək qurulan “Torpaq səthinin monitorinqi və Peyk Nəzarət Sistemi”dir. 

"Bu sistem vasitəsi ilə əldə ediləcək peyk məlumatları torpaqların təyinatından kənar və ya qeyri-səmərəli istifadə hallarını vaxtında aşkar edib daha operativ qaydada tədbirlər görməyə imkan verəcək. Həmçinin torpaqların keyfiyyətində baş verən dəyişikliklərin operativ olaraq müəyyənləşməsinə şərait yaradacaq", - deyə E. Qafarov əlavə edib.

Daha sonra Konstitusiya Araşdırmalar Fondunun prezidenti Əliməmməd Nuriyev və  Azərbaycan İnternet Forumunun prezidenti Osman Gündüz çıxış edərək bildirblər ki  i, bu informasiya daşıyıcısının istifadəsi torpaq qanunvericiliyinin pozulması hallarının qarşının alınmasına, bu sahədə görülən işin operativ olaraq yerinə yetirilməsinə, şəffaflığın artırılmasına imkan verəcək.

Təqdimat çərçivəsində planşetlərin istifadə qaydaları, üstünlükləri, mahiyyətindən bəhs edən təqdimat olub. Bildirilib ki, ölkə üzrə ən iri layihələrdən olan Torpaqların Elektron Kadastr Uçotu İnformasiya Sisteminin məlumatları, o cümlədən qeydiyyatdan keçmiş daşınmaz əmlaklar haqqında informasiyalar planşetlərə inteqrasiya olunub.

Qeyd edək ki, planşetin olduğu ərazinin koordinatları avtomatik olaraq ekranda əks olunur. Komitənin torpaqlardan istifadəyə və mühafizəsinə dövlət nəzarətini həyata keçirən müfəttişləri bu planşetlərdən istifadə etməklə elektron kadastr məlumat bazasına onlayn daxil olaraq, torpaq sahəsinin kateqoriyasına dair məlumatları real vaxt rejimində əldə edir, torpaq qanunvericiliyinin tələblərinin pozulduğu yerin koordinatlarını və ortofoto görüntüsünü, həmin yerin hansı mülkiyyətə aid olduğunu müəyyənləşdirir. Bundan başqa Daxili İşlər Nazirliyinin İdarələrarası Avtomatlaşdırılmış Məlumat-Axtarış Sisteminə real vaxt rejimində, birbaşa çıxış təmin edilməklə inzibati xəta törədən şəxs barədə məlumatlar dərhal əldə olunur.

Protokollar həm elektron formada tərtib olunur, həm də kağız üzərində doldurularaq təqdim edilir. Vətəndaşın şəxsiyyəti barədə məlumatlar proqrama əlavə olunan DİN-in informasiya sistemindən (İAMAS) əldə olunur və tərtib olunan protokol barədə  vətəndaşın mobil telefonuna SMS vasitəsi ilə məlumat verilir. Vətəndaş ödəniş terminallarına protokolun nömrəsini daxil etməklə ödənişini yerinə yetirir.

Planşetin istifadəsi ilə inzibati cərimələrin tətbiqi ilə bağlı qərarlar, onlar haqqında məlumatlar dərhal əldə olunur, məlumatların vaxtında çatdırılması, ödənişlərə nəzarət edilməsində operativlik təmin edilir. Eyni zamanda bu informasiya daşıyıcısının istifadəsi ilə müfəttişin nəzarət funksiyası avtomatlaşır, daha da optimallaşır, o cümlədən vaxta qənaət etməklə səmərəli fəaliyyətə və torpaq qanunvericiliyinin pozulmasına qarşı daha effektiv tədbirlərin görülməsinə şərait yaranır.

Layihənin reallaşdırılması əhalinin maarifləndirilməsinə, inzibati xəta hallarının azalmasına, qanunvericiliyə riayət olunmasına, gələcəkdə torpaq qanunvericiliyin tələblərinin pozulması hallarının yenidən yol verilməməsinə imkan verəcək.

Gələcəkdə isə qanunvericilikdə müvafiq dəyişikliklər aparmaqla elektron protokol yazılması və qərar qəbul edilməsinin tətbiqi nəzərdə tutulur.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.