İNNOVASİYA VƏ STARTAP

Ağ Ev dünyanın müxtəlif yerlərindən olan sahibkarların, startapçıların ABŞ-da  fəaliyyətlərini rahatlaşdırmaq üçün Konqresə yeni təklif verib.

Belə ki, yeni təklifdə xarici startapçıların ABŞ-dakı fəaliyyəti  üçün artıq Ağ Ev-in  Konqresin təsdiqinə ehtiyacı olmayacaq.

Xeberler.az  həmin təklifə istinadən bildirir ki, yeni təklif immiqrant sahibkarların ölkəyə qəbul edilmələri üçün iki mərhələli müraciət etməsinə icazə verir.

İlk mərhələdə sahibkarlar iki illik icazə verilir. Bunun üçün müraciət edən startapçıların olan ABŞ-da qurduğu şirkətin ən az 50 faizinə  sahib olması və amerikalı invetstorlardan minimum 345 min dollar və ya dövlətə bağlı fondlardan ən az 100 min dollar investisiya almalıdır.

İkinci mərhələdə isə sahibkarlar əlavə üç il verilir. Bu viza üçün isə  startapçıların  ABŞ-dakı işlərini nə yerdə, hansı mərhələdə olmasına diqqət ediləcək.

Belə ki, onlar qurduqları şirkətin ən az 10 faizinə sahib olmalıdır. Buna əlavə olaraq sahibkarların amerikalı investorlardan ən az 500 min dollar yatırım almalı: layihələrinin illik yüzdə 20 böyümə ilə  500 min dollar gəlir gətirə bilməsini təmin etməlidir.

Sahibkarlar üçün digər bir seçim isə  keçən beş il içində ən az 10 adamla bütün gün işlədiklərini göstərməkdir. Yəni, belə desək, 10 adamı işlə təmin etməlidir.

Bu yenilik ABŞ-da yeni iş quracaq sahibkarların ölkədə beş il boyunca işlərini davam etdirmələrini  asanlaşdırmaq məqsədi ilə edilir.

Qeyd edilir ki, bundan sonra sahibkarlar istəsə, ABŞ-da çalışmaq üçün EB-2 vizasına müraciət edə bilər.

Xatırladaq ki, National Foundation for American Policy tərəfindən hazırlanan hesabata görə, ABŞ-da 1 milyard dollardan çox dəyərləndirməsi olan startapların yarısı ABŞ xaricindən olanlardır.

Məltəm Talıbzadə