Azərbaycan dünyada elektron hökumətin inkişafı üzrə irəliləyib

01-08-2016 / 13:28

Məlum olduğu kimi, son illər Azərbaycanda Elektron Hökumət quruculuğu və elektron xidmətlərdən istifadə sahəsində davamlı tədbirlər həyata keçirilir.

Azərbaycan Respublikası Prezidentinin tapşırıqlarına uyğun olaraq, Vətəndaşlara Xidmət və Sosial İnnovasiyalar üzrə Dövlət Agentliyi tərəfindən ASAN ödəniş, Elektron lisenziya, Dövlət xidmətlərinin reyestri, ASAN viza və digər müxtəlif sistemlərin yaradılması və fəaliyyətinin təmin edilməsi davam etdirilir.

Bununla yanaşı, Dövlət Agentliyi 2013-cü ildən başlayaraq bütün dövlət qurumları tərəfindən göstərilən elektron xidmətlərin qiymətləndirilməsini həyata keçirir ki, bu da qurumlar tərəfindən göstərilən xidməllərin təkmilləşməsinə, vətəndaşlar tərəfindən əlçatanlığın təmin edilməsinə və vətəndaş dövlət qulluqçusu münasibətlərinin yeni şəffaf müstəviyə keçməsinə səbəb olur.

Xeberler.az-ın məlumatına görə, hər iki ildən bir Birləşmiş Millətlər Təşkilatı tərəfindən dünya ölkələrində elektron hökumətin inkişaf səviyyəsini  müəyyən edən sorğu keçirilir. "Elektron Hökumət Sorğusu" adlı bu araşdırmada əsas 2 göstərici, "Elektron hökumətin İnkişafı İndeksi" (E-Government Development Index-EGDİ) və "Elektron İştirak İndeksi" (E-Participation Index -EPİ) üzrə qiymətləndirmə aparılır.

Sorğunun nəticələrinə görə 2016-cı ildə Azərbaycan 2014-cü illə müqayisədə dünyanın 193 ölkəsi arasında EGDİ üzrə 12 pillə irəlilərəyək 56-cı yeri, EPİ üzrə isə 30 pillə irəliləyərək 47-ci yeri tutub.

Azərbaycan əsas irəliləyişə məhz "Elektron Hökumətin İnkişafı İndeksi"ni təşkil edən meyarlardan biri olan “Onlayn Xidmət İndeksi” üzrə nail olub ki, bu da onun ümumi EGDİ göstəricisinin 58% artmasına səbəb olub. Eyni zamanda sorğunun nəticələrinə dair Hesabatda Azərbaycanın diqqətçəkən inkişafı  və "Elektron İştirak İndeksi" üzrə dünya ölkələri arasında ilk əlliliyə daxil olması xüsusi vurğulanıb.

Beləliklə, nəticələrə əsasən Azərbaycan bir sıra potsovet ölkələri daxil olmaqla müxtəlif ölkələri geridə qoyub: Çin, Ukrayna, Gürcüstan, Ermənistan, Türkmənistan, Özbəkistan və s. Qeyd etmək lazımdır ki, Ermənistan isə 2014-cü illə müqayisədə EGDİ üzrə 26, EPİ üzrə isə 25 pillə geriləyib.  

UN E-Government Survey 2016  barədə daha ətraflı burada.

 

Məltəm Talıbzadə

http://workspace.unpan.org/sites/Internet/Documents/UNPAN96407.pdf


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.