Azərbaycan İnnovasiyalar Evi niyə İT şirkətlərinin deyil, SOCAR-ın dəstəyi ilə yaradılıb?

21-02-2020 / 14:08

Xeberler.az məlumat verir ki, ötən gün ABŞ-da, Silikon Vadidə Azərbaycan İnnovasiya Evi yaradıldı.

Məsələ ilə bağlı Azərbaycan İnternet Formunun Prezidenti, ekspert Osman Gündüz açıqlama verib:

"Ekosistem iştirakçıları bilirlər ki, az qala 7 il olardı ki bu problem öz həllini gözləyirdi.

Bununla bağlı yayılan xəbərlərdə diqqətimi cəlb edən məqam Azərbaycan İnnovasiyalar Evinin SOCAR-ın maliyyə dəstəyi ilə yaradılması oldu.
Ani olaraq düşündüm ki, görəsən nə üçün bizim İT şirkətlərin dəstəyi ilə deyil, məhz SOCAR-ın dəstəyi ilə yaradılıb?
Xatırlayıram ki, 4-5 il öncə bizim İT şirkətlərin nəhəng bir konsorsiumu - “Azərbaycan İnnovasiyaların İxracı Konsorsiumu” - AZİNNEX yaradılmışdı. Hara yox oldular dövlət sifarişlərindən yetərincə bəhrələnən bizim qabaqcıl İT şirkətlərimiz?

Mən ASAN-a təklif edərdim ki, AZİNNEX-in üzvü olan ULTRA və CyberNet şirkətlərinin qalib olduğu son tenderlərin şişirdilmiş məbləğlərinə və ortaya qoyduğu həllərə nəzər salsınlar.

Bu vəsaitlərlə İnnovasiya Evinin bir neçə illik xərclərini ödəmək , hələ üstəlik digər ölkələrdə də bu tip qurumlar yaratmaq olar. Elə ULTRA-nın zorla, Antiinhisar-ın razılığı olmadan qalib elan edildiyi ABB-nin ən son tenderinin şişirdilmiş hissəsinə Innovasiya Evini bir il saxlamaq olardı.
Ümid edirəm dünyanın müxtəlif şəhərlərində növbəti bu tip qurumlar yaradılanda biz yalnız dövlət qurumlarının deyil, AZİNNEX-in də töhfələrini görə biləcəyik".

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.