Azərbaycan nümayəndə heyəti “Caspian Telecom” konfransında iştirak edib

27-04-2009 / 13:43

Rabitə və İnformasiya Texnologiyaları Nazirliyinin aparat rəhbərinin müavini İlham Mərdanov, “Aztelekom” İstehsalat Birliyinin baş direktoru Məhəmməd Məmmədov, Beynəlxalq Əlaqələr və Hesablaşma Mərkəzinin direktoru Cəlil Cəfərov, Naxçıvan RİTN-in aparat rəhbəri Aqil Həsənov, eləcədə ölkənin özəl telekommunikasiya şirkətlərinin təmsilçilərindən ibarət Azərbaycan nümayəndə heyəti cari ilin 21-22 aprel tarixində İstanbulda keçirilmiş “Caspian Telecom” - Türkiyə, Xəzər və Qara dəniz regionları, Mərkəzi Asiya üçün telekommunikasiya və informasiya texnologiyaları üzrə 8-ci regional sərgi-konfransında iştirak edib.

Konfransın rəsmi açılış mərasimindən sonra keçirilən ilk plenar iclasda Azərbaycan nümayəndə heyəti adından İ. Mərdanov “Azərbaycanda İKT-nin inkişaf perspektivləri” adlı məruzə ilə çıxış edib. Azərbaycanda İKT sektoruna göstərilən dövlət dəstəyindən danışan İ Mərdanov, bu sahədə görülmüş işlər, əldə olunmuş nailiyyətlər, eləcədə qarşıdakı illərdə ölkəmizdə İKT-nin sürətli yüksəlişinin davam etdirilməsi məqsədilə həyata keçiriləcək layihələr haqqında tədbir iştirakçılarına məlumat verib.

Konfransın 2-ci günündə “Aztelekom” İstehsalat Birliyinin baş direktoru          M. Məmmədovun “Azərbaycan regionlarının telefonlaşdırılması” mövzusunda məruzəsi dinlənilib.  

Qeyd edək ki, konfransa Türkiyə, Rusiya, Ukrayna, Rumıniya, Moldova, Qazaxıstan və Gürcüstan rabitə administrasiyasının rəsmiləri, həmçinin Böyük Britaniya, Almaniya, Fransa, İtaliya, Çexiya, Polşa, İsrail, Latviya və digər ölkələrin aparıcı İKT şirkətlərinin nümayəndələri qatılıblar.
 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.