Əflatun Amaşov: “Fəaliyyət göstərməyən KİV-lərin qeydiyyatı ləğv olunsun”

03-09-2009 / 19:34

Mətbuat Şurası fəaliyyət göstərməyən kütləvi informasiya vasitələrinin qeydiyyatının ləğvi üçün ilin sonuna qədər Ədliyyə Nazirliyinə müraciət edəcək.

\"İndi ölkədə Ədliyyə Nazirliyində dövlət qeydiyyatına alınaraq daimi fəaliyyət göstərən qəzetlərin sayı 500-ə yaxındır\", - deyə Mətbuat Şurasının sədri Əflatun Amaşov bildirib.
Amaşovun sözlərinə görə, daimi fəaliyyət göstərən qəzetlərin 30-u gündəlik çap olunur. \"50-dən çoxu həftəlik qəzetlərdir. Qalanları müvafiq vaxtlarda çap olunur, təxminən yüzə qədəri isə uzun müddətdir fəaliyyət göstərmir\", - şura sədri əlavə eidb.

Şura sədri deyib ki, hazırda qeydiyyatdan keçən bütün kütləvi informasiya vasitələri ilə bağlı ciddi araşdırmalar aparılır. \"Biz ilk növbədə həmin KİV-lərin son iki ildə fəaliyyət göstərib-göstərmədiyini dəqiqləşdirməliyik. Bunun üçün nəşriyyatlarda və mətbəələrdə araşdırmalar aparılmasına ehtiyac var. Fikrimcə, prosesi ilin sonuna qədər yekunlaşdıra biləcəyik\", - Amaşov vurğulayıb.

Qeyd edək ki, Azərbaycanda 3300-dən çох kütləvi infоrmаsyiа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 20-dən yuхarı tеlеkаnаl fəаliyyət göstərir. Аzərbаycаndа 50-yə yaxın elektron KİV, təxminən 20 informasiya agentliyi vаr. Qalanları isə internet resurslarıdır.Trend


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.