"Son zamanlar Baş Prokurorluqda rəqəmsallaşma işlərində xeyli irəliləyiş müşahidə olunur. Rəsmi internet resursu (genprosecutor.gov.az, prokurorluq.gov.az) yeniləyiblər və məzmun, istifadəçi rahatlığı, texniki baxımdan xeyli təkmilləşdiriblər.
Bütün populyar sosial media resurslarına inteqrasiya olunublar və effektiv istiafdə edirlər".
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib:
"Son günlərdə isə İnstagram platformasında sual-cavab sessiyası açıblar və hər həftə bunu aktivləşdirirlər.
Həfftə ərzində müxtəlif paylaşılan məlumatların icmalını videoçarx formatında hazırlayaraq
#buhəftə həştəqi altında sosial mediada ictimaiyyətə təqdim edirlər.
Prokurorluq orqanlarının fəaliyyətini əks etdirən rəqəmlər sosial şəbəkələrdə
#gununreqemi həştəqi ilə paylaşılır.
Ümumiyyətlə, müşahidələr göstərir ki, bu qurumda daha çevik informasiya münasibətləri qurmağa, sosial mediadan effektiv istifadəyə və rəqəmsal həllərə üstünlük verilir.
Eyni zamanda, düşünürəm ki, Baş Prokurorluq saytda yerləşdirilən faydalı informasiyaların həcmini daha da artıra bilərdi.
Xüsusən də, Prokurorluğun əlində cəmləşən işlərlə və fəaliyyətlə bağlı DATA-nı yenidən emal edərək, infoqrafikalarla vermək, müxtəlif işlərlə bağlı hesabatları daha geniş formada təqdim etmək, cinayətkarlıq və inzibati hüquqpozmalarla bağlı ölkədəki vəziyyəti əks etdirən xəritələr təqdim etmək və s. faydalı olardı.
Fikrimcə vətəndaşların onlayn müraciəti və onun izlənilməsi ilə bağlı məqamlara da yenidən əl gəzdirmək yaxşı olardı.
Ümumiyyətlə, Baş Prokurorluğun rəqəmsallaşma istiqamətidnə son zamanlar atdığı addımları təqdir edirik və vətəndaşa , ictimaiyyətə yönəlik rəqəmsal xidmətlərin, məlmatların, dataların, infoqrafikaların daha da çoxaldılmasını gözləyirik".
