Ekspert: eSatınalma portalı dövlət qurumları üçün problemə çevrilib

24-05-2021 / 16:58
"Artıq neçənci dəfədir ki, hansısa dövlət qurumu eSatınalma portalında tender məbləği ilə bağlı açıqlanan rəqəmin doğru olmadığını bildirir. Əvvəllər NRYTN, Təhsil nazirliyi və digər qurumların bu portaldakı tender məlumatları da səhv verildiyindən anlaşılmazlıq yaranmışdı".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Ekspertin sözlərinə görə, Dövlət Miqrasiya Xidməti bildirib ki, 5 milyon 429 min manatlıq tenderlə bağlı məlumatda texniki yanlışlıq olub və əslində real məbləğ 54 min 290 manatdır:
 
"eSatınalma portalı dövlətin ən faydalı rəqəmsal resurslarından biridir və şəffaflığın təmin olunmasında mühüm rol oynayır.
 
eSatınalma portalı İqtisadiyyat Nazirliyi yanında Antiinhisar və Istehlak Bazarına Nəzarət Dövlət Xidmətinin sifarişi ilə Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzi tərəfindən hazırlanıb.
 
Mövcud qanunvericiliyə görə Portalın fəaliyyətinin təşkilini, idarə olunmasını və inkişafını onun operatoru olan Antiinhisar və İstehlak Bazarına Nəzarət Dövlət Agentliyi həyata keçirir. Portalın saxlanması xərcləri dövlət büdcəsinin vəsaiti hesabına həyata keçirilir".
 
Osman Gündüz qeyd edib ki, eSatinalma portalının təkmilləşdirilməsinə ciddi ehtiyac var. Həm informativ və həm də interaktiv hissə yenilənməlidir:
 
"Digər ölkələrin oxşar resursları ilə müqayisə etdikdə görmək olar ki, informativ hissədə də ciddi qüsurlar və çatışmazlıqlar var, ictimai nəzarət imkanlarını gerçəkləşdirmək üçün imkanlar yetərli deyil.
 
Düşünürəm ki, son zamanlar aktivliyi nisbətən artan Antiinhisar Dövlət Xidməti portala tam olaraq sahiblik etməli, qüsurları aradan qaldırmaq və yeniləmək üçün əlavə texniki tapşırıqlar hazırlamalıdır, portaldan istifadə ilə bağlı qurumlar üçün təlimlər təşkil etməlidir".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.