Mərkəzi icra hakimiyyəti orqanlarının rəhbərləri vətəndaş qəbulunu necə həyata keçirməlidir?

08-07-2019 13:47

Xeberler.az bildirir ki, bu cür qəbullar 2003-cu il 24 noyabr tarixli 4 nömrəli Prezident Fərmanı əsasında həyata keçirilir. Zamanında kifayət qədər əhəmiyyətli bir sənəd olub. İnternetin, texnologiyaların əlçatmaz olduğu bir zamanda vətəndaşlar üçün birinci şəxslərə çıxış imkanı yaradıb .

İnternet Formunun Prezidenti, ekspert Osman Gündüz məsələyə öz münasibətini bildirib. Ekspert qeyd edib ki, 2003-cü ildə ölkədə hər 100 nəfərdən cəmi 5 -i İnternetdən istifadə edirdi. 2003- cü ildə 1 mb internetin qiyməti təxminən 30-40 min manat idi. Telefon xətti vasitəsilə DialUp İnternet xidməti almaq istəyənlərə qarşı tətbiq edilən senzura yenicə aradan qaldırılmışdı. Regionlarda internet inkişaf etməmişdi. İndi isə hər 100 nəfərdən 70-nin interneti var, hər yüz nəfərdən 100-nün mobil telefonu var. İnternet əlçatandır.

İndiki zamanda vətəndaş qəbullarını 25 il bundan öncəki texnologiya və proseduralarla keçirmək nə dərəcdə doğrudur ?
Ekspert düşünür ki, ənənəvi formada qəbullar hər cəhətdən, effektivlik, xərclər, zaman, operativlik və səmərəlilik baxımından özünü doğrultmur.
Hamı bilir ki burada formallıq hədsizdir, effektivlik yoxdur, adətən qabaqcadan bəlli şikayətçilər müəyyən olunur, dörd divar arxasında qəbul keçirilir və s.

Osman Gündüz qeyd edib ki, artıq bəzi rəhbər şəxslər bunu İnternet üzərindən, sosial media üzərindən edirlər və yaxşı da effekt verir. Prezidentin son dövrlərdə irəli sürdüyü dövlət idarəetməsində idarəetmənin təkmilləşdirilməsi və optimallaşdırma ilə bağlı təşəbbüsünə uyğun olaraq vətəndaşların qəbulu prosesini da daha effektiv qurmağın vaxtı çatıb.
Ekspert düşünür ki, eGov-a cavabdeh qurum olan VXSİ Dövlət Agentliyi yanında Elektron Hökumətin İnkişafı Mərkəzi vahid bir rəqəmsal platfroma hazırlaya bilər. Bunu elə myGov üzərindən də etmək olardı. Bu platforma üzərindən mərkəzi icra orqanın rəhbərləri daha asanlıqla vətəndaşla əlaqə saxlaya bilər.
Bu isə daha şəffaf, daha qənaətcil və daha effektiv olar.

Ekspert Osman Gündüz sonda qeyd edib ki, bununla bir sıra xərclərə də qənaət etmək olar. Belə ki, Mərkəzi orqanın rəhbərlərinin və köməkçilərinin, aparatın yarısının rayona ezamiyyət xərcləri ( nəqliyyat xərcləri, yemək və hotel xərcləri ), rayon rəhbərlərinin mərkəz rəhbərlərini qarşılama və yola salma, nahar xərcləri, mərkəzi qurumun qəbula hazırlıqla bağlı qabaqcadan rayona göndərilən əməkdaşlarının xərcləri, şikayətçilərin axtarılması, müəyyən edilməsi və ya bəzi şikayətçilərin qarşısının alınması ilə bağlı xərclər, qonşu rayonlardakı şikayətçilərin rəhbər şəxsin olduğu rayona getməsi və qayıtması ilə bağlı xərclər, rayonda qəbul prosesinin aparıldığı məkanla bağlı xərclər və s.

ŞƏRHLƏR