PROQRAMLAR

Any.Do həm iOS, həm Android, həm də fərdi kompüterlər üçün mövcud olan sadə, rahat və əlverişli “to-do list” tətbiqidir, yəni görüləcək işlərin siyahısının elektron variantıdır.

Eyni zamanda, bir neçə cihazda öz hesabınıza daxil olaraq siyahınızı görə bilərsiniz.

Tətbiqi açdığımız zaman bu görüntü ilə rastlaşırıq:

Lakin görüləcək işləri  yalnız zamana görə yox, eyni zamanda məzmununa görə də siyahılaşdırmaq da olar. Bu kateqoriyaları görmək, nizamlamaq və yenilərini əlavə etmək üçün sol-üst küncdə yerləşən  düyməyə basmaq lazımdır:

Yeni tapşırıq əlavə etmək üçün əsas menyuda sağ-aşağı küncdə mavi dairənin içində yerləşən “+” işarəsini seçmək lazımdır. Adını yazdıqdan sonra sağda çıxan “+” işarəsini klikləmək lazımdır. Əgər xatırlatma siqnalı quraşdırmaq istəyirsinizsə, təsdiqləməmişdən əvvəl işarənin yanındakı zəng işarəsinə klikləyin.

Əsas menyuda hansısa işin üzərinə klikləməklə aşağıda belə kiçik pəncərə açılır:

“Ulduz”u seçərkən sağ tərəfdə sarı ulduz görünür, bu da onu digərlərindən fərqləndirməyə kömək edir. “Siyahı” işarəsinə kliklədikdə əvvəldə qeyd etdiyimiz məzmun siyahıları açılır və beləliklə, işi uyğun siyahıya əlavə edə bilirsiniz və ya ehtiyac varsa, yeni siyahı yarada bilirsiniz. “Zəng” işarəsinə klikləyərək xatırlatma siqnalı quraşdıra bilərsiniz, həmçinin əgər təkrarlanan işdirsə, bunu da “Repeat task” bölməsində edə bilərsiniz. “Sənəd” işarəsinə basaraq qeydlər və fayllar əlavə edə bilərsiniz. Ən sonda isə siyahınızdakı işi başqa şəxslərlə bölüşmək üçün sondakı işarəni seçmək lazımdır.

Bu cür siyahılarla bağlı ən gözəl məqam işi tamamladıqdan sonra üstündən xətt çəkməkdir. Tamamladığınız işin üzərindən barmağınızı sürüşdürərək xətt çəkirsiniz və silmək istəsiniz sağ tərəfdə çıxan “x” işarəsinə basmağınız kifayət edir:

Any.do bu cür sadə və rahat tərtibatı və vəd etdiyi işi lazımınca görə bilməyinə görə istifadəçilərin rəğbətini qazanıb, hətta bir neçə dəfə mükafata da layiq görülüb. Proqramın özü ödənişsizdir. Lakin tətbiqin ödənişli premium versiyası da var ki, burada yeni və geniş imkanlar da təklif edir. 

Murad Məmmədzadə