TƏHLÜKƏSİZLİK

İnternetdən istifadə zamanı bir çox saytlarda olan bezdirici reklamlar  internet istifadəçilərinin ən böyük problemlərindən biridir.

Xeberler.az olaraq reklamların qarşısını almaq üçün bir neçə üsulları araşdırdıq.

Saytda olan reklamlar 2 növə bölünür: sayta məxsus olan reklamlar və zərərli reklamlar.

Sayta məxsus olan reklamlar dedikdə, yəni saytın kod hissəsinə daxil olan reklamlar nəzərdə tutulur. Belə reklamlar məhz saytın administratoru tərəfindən kod hissəyə daxil edilir. Ancaq belə reklamların da qarşısını almaq mümkündür.

Belə ki, bu reklamların qarşısını almaq üçün Google Chrome brauzerinə Adblock əlavəsini, Internet Explorer brauzerinə Adblock Plus əlavəsini, Firefox brauzerinə isə xüsusi  Adblock Plus əlavəsini quraşdırmalısınız.

Zərərli reklamlar kompüterlərə yüklənmiş zərərli proqramlar (malware) tərəfindən veb səhifələrdə yayımlanır. Belə zərərli proqramların kompüterə yüklənməsinin səbəbi istifadə etdiyiniz veb brauzerlərdən (Internet Explorer, Google Chrome, Firefox və.s) asılıdır. Zərərli proqramlar bir əlavə olaraq brauzerə yüklənir və beləliklə bezdirici reklamlar daxil olduğunuz hər saytda qarşınıza çıxır. Bu problemi aradan qaldırmaq üçün brauzerinizin Parametrlər (Settings) menyusundan Əlavələr (Extensions) bölməsinə daxil olaraq tanımadığınız bütün əlavələri silməlisiniz.

Həmişə  belə  reklamlara görə istifadəçilərin kompüterlərinə təhlükəli viruslar düşür.

Hazırda ən zərərli Vid-Saver ,AddictThing, Browser Companion Helper, Browse To Save, Continue To Save, CouponDropDown Plugin, DropinSavings , I Want This ,SaveAs ,SaveByClick ,SaveIt, SsaaveE! NoWW, YTD Toolbar kimi brauzer əlavələridir.

Kompüterinizi belə təhlükəli viruslardan qorumaq üçün bu proqramları yükləməyin. 

Ağasəf Haqverdiyev