İstənilən dildə jestlərlə ünsiyyətə imkan verən əlcək hazırlanıb

22-10-2015 / 22:23

London Universitetinin nəzdindəki Qoldsmit kollecinin (Böyük Britaniya) tələbəsi Hadil Ayub işarə dilindən ifadələri tərcümə etməyə imkan verən əlcək hazırlayıb.

Xeberler.az-ın xarici mətbuata istinadən məlumatına görə, jestlər dili əlcəyi (SignLanguageGlove) tərcüməçi-əlcək prototipi Arduino adlı quraşdırılmış mikrokompüterin köməyilə idarə olunur. Əlcəyin hər barmağında onun hərəkətini izləyən sensor quraşdırılıb.

İdarəedici blok əlcəyin barmaqları və əlin yerdəyişməsini izləyən akselerometrdən daxil olan məlumatları toplayır. Bütün hərəkətlər kompüter tərəfindən qeydə alınır və mövcud məlumat bazasıyla müqayisə edilir. Jestlər əsasında yığılmış mətn ekranda nümayiş etdirilir və ya qurğunun dinamiki vasitəsilə səsləndirilir.

Gələcəkdə əlcəyin Wi-Fi-ın köməyi ilə smartfonlarla sinxronlaşdırılması nəzərdə tutulur. Bu, əlcəyin tərcüməçi-proqramlar vasitəsilə sinxron işini reallaşdırmağa imkan verəcək, işarə dilində danışan insanlara istənilən dildə ünsiyyət imkanı yaradacaq.

 Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.