“İT GÜNDƏM”-in növbəti icmalı

20-04-2015 / 21:04

Xəbərlər  “İT GÜNDƏM” rubrikası çərçivəsində növbəti həftəlik qısa icmalı təqdim edir.

Məqsədimiz sosial mediada müzakirə olunan ən önəmli və əhəmiyyətli İKT xəbərlərini diqqətə çatdırmaqdır.

Keçdiyimiz həftə diqqət çəkən  xəbərlərdən biri ölkəmizdə “Acer” kompüterlərinin istehsalına başlanılması oldu.
Layihə Rabitə və Yüksək Texnologiyalar Nazirliyi yanında İnformasiya Texnologiyalarının İnkişafı Dövlət Fondu tərəfindən maliyyələşdirəcək. Daha geniş məlmatı buradan əldə edə bilərsiniz.

Gündəmin daha bir diqqətlə izlənilən mövzusu “Startap Azərbaycan 2015” müsabiqəsi ilə bağlıdır.
Belə ki, “Startap Azərbaycan 2015” müsabiqəsinin yarımfinalına iştirak hüququ qazanmış 13 startapın adı  açıqlandı.  Yarımfinalçıların adları www.startup.az resursunda yerləşdirilib.
 Daha ətraflı məlumatı keçiddən əldə edə bilərsiniz. Həmçinin startaplarla bağlı digər məlumatları xəbərlərin startap bölməsinə daxil olaraq əldə edə bilərsiniz.

Startaplarla bağlı daha bir önəmli xəbər isə Khazar Ventures şirkətinin Silikon Vadisinə tur təşkil etməsi oldu.
Təşkilatçıların sözlərinə görə, turun iştirakçıları Google, Facebook, Uber, Evernote, Twitter və s. şirkətlərinin ofislərini ziyarət edəcəklər.
Tur haqqında daha geniş məlumat burada

Bu həftənin İT sahəsində rəsmi xəbərlərindən biri də vətəndaşların daha 4 arayışı elektron formada əldə edə biləcəkləri haqqında informasiya oldu.
"Elektron hökumət" portalının operatoru - Rabitə və Yüksək Texnologiyalar Nazirliyinin Məlumat Hesablama Mərkəzi tərəfindən daha 4 e-arayış portal üzərindən vətəndaşlarımızın istifadəsinə verilib.  Elektron arayışların adları və daha ətraflı məlumat burada 
Elektron arayışların hansı dövlət qurumaları tərəfindən tanınması haqqında açıqlama da diqqət çəkən məqamlardan oldu. Məlumatı bu linkdən əldə etmək mümkündür.

Daha bir sevindirici xəbər isə DSMF-nin yenilənmiş Çağrı Mərkəzini istifadəyə verməsi oldu.
 Dövlət Sosial Müdafiə Fondunun (DSMF) müasir standartlara uyğun yenidən təşkil olunmuş “190 Çağrı Mərkəzi” istifadəyə verildi.
Qeyd edək ki, Fondun Çağrı Mərkəzi vasitəsilə 2013-cü ildən Fondun tətbiq etdiyi avtomatlaşdırılmış pensiya təyinatı sayəsində pensiya yaşına çatmış vətəndaşa 190-a zəng etməklə və yalnız şəxsiyyət vəsiqəsinin nömrəsini təqdim etməklə real vaxt çərçivəsində pensiya təyin edilməsi həyata keçirilir.
Bu barədə ətraflı məlumat əldə etmək üçün bu keçiddən istifadə edə bilərsiz. 

Bu günlərdə müzakirə olunan  maraqlı mövzulardan biri Bakı-2015 Avropa Oyunlarının informasiya təminatı sisteminin yaradılması ilə bağlı verilən rəsmi məlumat oldu.
Bakı-2015 Avropa Oyunlarının keçiriləcəyi obyektlərin hamısının fiber optik infrastrukturunun qurulacağı bildirilib. Qeyd olunub ki, BTRİB tərəfindən 200 kilometr uzunluğunda optik magistral salınıb və şəbəkə avadanlıqları quraşdırılıb. 
Ətraflı məlumat üçün bu keçiddən istifadə edə bilərsiniz.

Azərkosmos-un Bakı 2015-in rəsmi peyk yayım təchizatçısı olması İT sahəsində diqqət çəkən mövzulardan olub. Ətraflı məlumatı isə bu linkdən əldə etmək mümkündür.

Sevinc Çəltikova

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.