Kompüterlər su ilə soyudulacaq!

10-11-2009 / 16:54

İBM korporasiyası atmosferə zərərli maddələrin tullantısı sıfır dərəcəsində olan data-mərkəz layihəsi üzərində işləyir. Bu barədə IBM nümayəndələri bu günlərdə keçirilən USENIX konfransında bəyan ediblər.

Yeni konsepsiya üzrə işlərin əsas hissəsi şirkətin Sürix şəhərindəki tədqiqat mərkəzində aparılır. Tullantısız data-mərkəzin əsas prinsipi karbon qazının atmosferə birbaşa və ya dolayı atılma səviyyəsinin, eləcə də server və digər obyektlərdən elektrik enerji itkisi dərəcəsinin azaldılmasını təmin edəcək və hazırda tətbiq olunmayan texnologiyanın yaradılmasından ibarətdir. Yeni konsepsiyada sistem qovşaqlarının xüsusi qaydada yerləşdirilməsi və yalnız maye vasitəsilə soyudulma nəzərdə tutulur.

IBM şirkətinin Sürixdəki laboratoriyasının meneceri Bruno Miçelin sözlərinə görə, maye soyudulma sistemli yüksək məhsuldarlı data-mərkəzlər istənilən iqlim şəraitində işləməklə yanaşı hazırda bu cür mərkəzlər üçün zəruri olan mürəkkəb və olduqca çoxlu xərc tələb edən hava soyutma sistemindən istifadə etməməyə imkan yaradır. Bundan əlavə, serverlərin ifraz etdiyi istiliyi də faydalı ehtiyaclara yönəltmək olar, misal üçün həmin istiliyi binaların isidilməsində istifadə etmək mümkündür.

Bu gün dünyada data-mərkəzlərdə getdikcə daha çox enerji istifadə edilir. Yalnız son 4 il ərzində hətta bütün enerjiyə qənaət edən texnologiyalara baxmayaraq data-mərkəzlərdə istifadə olunan elektrik enerjisinin həcmi iki dəfə artıb.

Su ilə soyudulma sahəsində işləmələrinin nümayiş etdirilməsi üçün IBM və Sürix şəhərində yerləşən İsveçrə Texnoloji İnstitutu “Aquasar” superkompüteri üzərində işləyir. Bu superkompüterdə heç bir ventilyator quraşdırılmayıb, soyudulma isə xüsusi mis borular hesabına təmin olunur ki, bu borulardan soyuq su və ya avtomobil mühərriklərini soyudan maye axır. Su ilə soyudulan superkompüterin gücü saniyədə 10 teraflop təşkil edəcək.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.