Osman Gündüz: İnnovasiyalar Agentliyinin gələcək taleyi necə olmalıdır ?

05-03-2021 / 18:01
"İndiyədək NRYTN-in İnnovasiyalar Agentliyi ilə bağlı sox yazmışam. Çoxusu da tənqidi olub. Çünki Agentlik müxtəlif səbəblərdən hüquqi sənədlərlə qarşıya qoyulan vəzifələrin heç birisini indiyədək yerinə yetirə bilməyib.
 
Bu gün Agentlik ekosistemdəki vəziyyətlə bağlı bir müzakirə təşkil edib. Xeyli faydalı müzakirələr oldu. Lakin vəziyyətdən çıxış yolu ilə bağlı yanaşmalarının yenə də qüsurlu olduğu qənaətindəyəm. Quruma rəhbərlik edənlərin gənc və perspektivli, intellektual olmasına baxmayaraq ekosistemə mühafizəkar, maraqlı tərəflərə qeyri-konstruktiv baxışlarının yaxın zaman üçün fayda verəcəyini düşünmürəm.
 
Mənim üçün əslində aydın olan situasiya daha da aydınlaşıb. Çox, lap çox təəssüf edirəm ki, Agentlik yaranandan sonra xeyli zaman itirdik. Qonşu ölkələrin ekosistemlə, innovasiya və süni intellektlə bağlı reytinq cədvəllərini artıq dərc etməyə də əlim gəlmir. Ləngiyirik.
 
Təkliflərimi elə orada da səsləndirdim və NRYTN-nin yeni rəhbərliyi üçün, bu sahədə qərar qəbul edənlər üçün maraqlı olacağını nəzərə alaraq İnnovasiya Agentliyinin hazırkı durumu və çıxış yolları ilə bağlı təklifləri burada da qeyd edirəm. Aşağıdakı variantlardan kənarda adı çəkilən qurumun hər hansı uğurlu fəaliyyət göstərəcəyi, mümkünsüzdür.
 
1. NRYTN-in İnnovasiyalar Agentliyinin rəhbərliyi, səbəblərdən asılı olmayaq qarşıya qoyulan vəzifələri reallaşdıra bilmədiyi üçün tam tərkibdə istefa verməlidir.
 
2. İnnovasiyalar Agentliyi ümumiyyətlə ləğv edilməli, onun səlahiyyətləri, NRYTN çərçivəsində formalaşdırılacaq tənzimləyici quruma verilməlidir.
 
3. İnnnovasiyalar Agentliyi müstəqil olmalıdır (Hansı ki, indiki tərkibdə, indiki yanaşmalarla onun uğur qazanacağı elə də inandırıcı görsənmir)".
 
Azərbaycan İnternet Formunun Prezidenti Osman Gündüz

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.