PROQRAMLAR

Milyonlarla iPhone və iPad satmağa davam edən Apple  texniki xidmət sahəsindəki sıxlığı  yeni mobil tətbiqiylə azaltmaq niyyətindədir.

Xeberler.az xarici mətbuata istinadən məlumat verir ki, Apple tətbiqlə bağlı rəsmi  açıqlama verməsə də, "uSwitch" tətbiqinə  aid  ekran görüntüləri mediaya sızıb.

Belə ki, Apple-ın istifadəyə verəcəyi mobil tətbiqi iPhone və iPad-ə yükləndikdən  sonra  bu cihazlarla bağlı  müxtəlif statistikalar istifadəçinin Apple ID-ə gələcək.

Tətbiqin daxilində Apple-ın  cihazların işləmə mexanizmi ilə bağlı  hazırlamış olduğu sual-cavab şəklində mətnlər də yerləşdiriləcək.

Beləliklə, istifadəçilər telefonlarında qarşılaşdıqları problemlə bağlı  axtardıqları sualların cavabını tətbiqdən istifadə etməklə vaxt itkisi və təhlükəsizlik problemi yaşamadan rəsmi şəkildə  Apple-dan öyrənə biləcəklər.

Tətbiqin  bir başqa xüsusiyyəti də görüş təyin etmə funksiyasıdır.

Qeyd edək ki, Apple markalı telefonlarda uzun müddət istifadədən sonra ortaya çıxan başlıca problem əsas düymənin xarab olmasıdır.

Bundan sonra  belə problem yaşanarsa, tətbiqi telefonunuza yükləməklə Apple-dan xüsusi vaxt təyin edib və  bu düyməni təmir etdirə biləcəksiniz.

Apple mobil tətbiqlə istifadəçilərin Çağrı Mərkəzi ilə əlaqəsini təmin etməklə yanaşı,  tətbiq üzərindən istifadəçilərin  texniki xidmətdən görüş təyin etməsinə imkan yaradır.

"uSwitch" tətbiqinin istifadəyə veriləcəyi tarix hələlik məlum deyil.

 Apple bu tətbiqin məzmununu daha geniş düşünərək tətbiqə Siri funksiyası əlavə etməklə texniki xidmətlərində sıxlığı azaltmağı hədəfləyib. 

Sevinc Çəltikova