Vətəndaşlara daşınmaz əmlakın qeydiyyatı ilə bağlı məlumat verilib

11-12-2015 / 13:16

Dekabrın 11-də Neftçala rayonunda Əmlak Məsələləri Dövlət Komitəsinin sədri Kərəm Həsənov Heydər Əliyev Mərkəzində keçirilən qəbulda Şirvan şəhər, Neftçala, Hacıqabul, Salyan, Sabirabad və Saatlı rayonlarından olan vətəndaşların müraciətlərinə baxıb.

Xeberler.az bildirir ki, vətəndaşların müraciətləri əsasən daşınmaz əmlakın qeydiyyatı, o cümlədən torpaq sahələrinin dövlət qeydiyyatı barədə olub. Bir çox vətəndaş onlara ayrılan torpaq sahələri, fərdi həyət evləri və mənzillər, kommersiya məqsədilə istifadə etdikləri qeyri-yaşayış sahələrinə dövlət qeydiyyatı sənədlərinin alınması ilə bağlı müraciət ediblər. Eyni zamanda, bəzi müraciətlər pay torpaqlarının, kənd təsərrüfatı təyinatlı torpaqların dövlət reyestrində qeydiyyatı ilə bağlı olub.

Araşdırılması zəruri olan müraciətlər isə qeydiyyata alınıb və nəticəsi barədə məlumat veriləcəyi bildirilib.

Komitə sədri qəbulda komitə tərəfindən daşınmaz əmlakın qeydiyyatında vətəndaş məmnunluğunu təmin etmək məqsədilə sosialyönümlü tədbirlərin artırıldığını nəzərə çatdırıb. Bildirilib ki, artıq ayda bir neçə dəfə olmaqla, həm Bakıda, həm də regionlarda “Kütləvi çıxarış” kampaniyası keçirilir, mobil ofis xidmətləri göstərilir.

Daşınmaz əmlakın qeydiyyatı ilə bağlı xidmətlər birbaşa vətəndaşların ünvanına çatdırılır və yerlərdə təqdim olunur. Qeyd edilib ki, mülkiyyət hüquqlarının tənzimlənməsində, o cümlədən daşınmaz əmlakın qeydiyyatı və torpaq idarəçiliyində “bir pəncərə” prinsipinin tətbiq edilməsi nəticəsində bütün qeydiyyat prosesi bir ünvanda – Daşınmaz Əmlakın Dövlət Reyestri Xidmətində aparılır. 

Qəbulda torpaq idarəçiliyi ilə bağlı məsələlərə toxunan komitə sədri artıq Torpaqların Elektron Kadastr Uçotu Sisteminin yaradılması istiqamətində işlərin aparıldığını qeyd edib. Bu sistemin yaranması ilə respublikada torpaqların dəqiq sərhədləri və koordinatlarının müəyyənləşəcəyi bildirilib. Qeyd olunub ki, bu proses vətəndaşların, həmçinin bələdiyyələrin torpaqlar üzərində mülkiyyət hüquqlarının daha operativ və dəqiq qeydiyyata alınmasını təmin edəcək.

 

Ruhəngiz Muradova

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.