Yaşıl dəhliz buraxılış sisteminin tətbiqi ilə bağlı növbəti seminar keçirilib

25-01-2019 / 18:09

Yanvarın 25-də Dövlət Gömrük Komitəsində "Yaşıl dəhliz" buraxılış sistemindən daimi istifadə hüququnun əldə edilməsinə dair müraciət formasının doldurulması qaydası və gömrük orqanlarına elektron formada qısa idxal bəyannaməsinin təqdim edilməsilə bağlı növbəti seminar keçirilib.

Xeberler.az  bildirir ki, tədbirdə Dövlət Gömrük Komitəsi sədrinin müavinləri, Baş İdarə rəisləri, Komitənin aidiyyəti struktur bölmələrinin, İqtisadi İslahatların Təhlili və Kommunikasiya Mərkəzinin nümayəndələri və gömrük təmsilçiləri iştirak ediblər.

Dövlət Gömrük Komitəsi sədrinin birinci müavini, gömrük xidməti general-mayoru İsmayıl Hüseynov bildirib ki, Azərbaycan Respublikasının Prezidenti İlham Əliyevin "Xarici ticarət iştirakçılarının "Yaşıl dəhliz" buraxılış sistemindən daimi istifadə hüququnu əldə etməsi, həmin hüququn dayandırılması, ləğvi və bərpası Qaydası" ilə bağlı fərmanına əsasən, bu il fevralın 1-dən sistemin tam tətbiqinə başlanacaq.

Komitə sədrinin birinci müavini qeyd edib ki, "Yaşıl dəhliz" buraxılış sisteminin istifadəyə verilməsi biznesin inkişafında, ticarətin asan və sürətli şəkildə həyata keçirilməsində, könüllü riayət mədəniyyətinin formalaşmasında əhəmiyyətli rol oynayacaq. Sistemin qanunvericiliyə uyğun şəkildə tətbiqi üçün bu günədək Dövlət Gömrük Komitəsi tərəfindən çoxsaylı seminarlar, təlimlər təşkil edildiyini deyən İsmayıl Hüseynov vurğulayıb ki, aparılan maarifləndirmə işlərinin əsas məqsədi sistemin uğurla reallaşdırılmasına nail olmaqdır.

Seminarda Dövlət Gömrük Komitəsinin mütəxəssisləri "Yaşıl dəhliz" buraxılış sistemindən daimi istifadə hüququnun əldə edilməsi, həmin hüququn dayandırılması, ləğvi və bərpası qaydaları barədə təqdimatla çıxış ediblər.

Daha sonra "Gömrük orqanlarına elektron formada qısa idxal bəyannaməsinin təqdim edilməsi" ilə bağlı maarifləndirici videoçarx nümayiş etdirilib, tədbir iştirakçılarının sualları cavablandırılıb.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.