Yeni stol eyni zamanda bir neçə qadceti enerji ilə dolduracaq

28-06-2019 / 11:13

Xeberler.az məlumat verir ki, İspaniyanın “Proton New Energy Future” startapı masa formasında hazırlanmış “Ebörd” qurğusunu təqdim edib. Onun səthinə bir neçə qadcetin eyni zamanda enerji ilə doldurulması üçün nəzərdə tutulmuş simsiz yükləmə qurğusu quraşdırılıb. “Ebörd” şəbəkəyə qoşulmasa da, Günəş enerjisi və hətta otaq işıqlandırılmasından “qidalana” bilir.

“Ebörd” zahirən “Ikea” stilində müasir mebel kimi görünür. Lakin onun tünd rəngli şüşə səthinin altında müasir texnologiyalar gizlədilib. Adətən, inteqrasiya edilmiş simsiz yükləmə səthləri olan qarniturun predmetləri bilavasitə enerji yükləmə nöqtələrində olan bir və ya iki yükləmə yuvasına malikdir. “Ebörd” qurğusunda 50-dən çox belə yuva var ki, bu da istənilən yerdə eyni zamanda 4 qurğunu enerji ilə doldurmağa imkan verir.

“Ebörd” üçün “Qi” eneji ilə doldurulma platforması nəzərdə tutulub. Qurğudan son nəsil “iPhone” və “Samsung Galaxies”, “Google Pixel 3”, “Google Pixel 3 XL”, həmçinin “Sony”, “Nokia”, “LG” şirkətlərinin flaqman telefonları, “ağıllı” saatlar, planşetlər, qulaqlıqlar və digər qadcetlərin sahibləri istifadə edə bilərlər.

Masanın səthi günəş enerjisini toplaya və batareyada saxlaya bilən nazik pərdəli fotoelektrik panellə örtülüb. “Proton New Energy Future” mütəxəssisləri aşağı işıqlanma dərəcəsi şəraitində günəş modullarının məhsuldarlığını 60 faiz yüksəldən dəniz bakteriyalarının zülalı əsasında xüsusi membran hazırlayıblar.

“Ebörd”dən adi masa kimi də istifadə etmək olar. O, kifayət qədər möhkəm və sukeçirməzdir. “Indiegogo” platformasında “Ebörd” baza modelini 450 dollara, premium versiyasını isə 570 dollara sifariş etmək mümkündür. Qurğunun cari ilin noyabr ayında satışa çıxarılması nəzərdə tutulur.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.