E - HÖKUMƏT

İKT sektorunda irəliləyiş olsa da, 2014-cü il səviyyəsindən xeyli geridədir.

Davosda yerləşən Dünya İqtisadi Forumunun (WEF) 2016-ci il hesabatında dünya ölkələrinin İKT üzrə göstəriciləri haqqında geniş hesabat dərc olunub. 

Bundan bir müddət öncə bu qurum  2015-ci il üzrə də hesabatını açıqlamışdı.

Bu hesabatlarda ölkələrin “Şəbəkə hazırlığı indeksi” üzrə reytin cədvəli də tərtib olunur.

Xeberler.az-ın məlumatına görə, WEF-in dərc etdiyi sənəd 139 ölkəni əhatə edib.  WEF-nin 2016-cı il hesabatına görə,  Azərbaycan İKT sektoru 2016-cı  cı ildə  əvvəlki illə müqayisədə  4 pillə irəliləyib. Belə ki, ölkəmiz 57-ci yerdən 53-cü yerə yüksəlib.

Son 5 ilin nəticələri ilə müqayisə etdikdə isə tamamilə başqa bir mənzərə görsənir.

Bu qurumun 2011-ci ildən indiyədək olan hesabatlarına diqqət etdikdə görmək olar ki, Azərbaycanın İKT sektorundakı mövqeyi 2014-cü ilədək olan dövrdə artan templə xeyli irəliləyib:

2011-  70-ci yer

2012 -  61-ci yer

2013 – 56-cı yer

2014 -  49-cu yer

2015 -  57-ci yer

2016  - 53-cü yer

2015-ci il hesabatından isə görmək olar ki, Azərbaycan 2014-cü il ilə  müqayisədə öz mövqelərini birdən- birə 8 pillə itirərək 49-cu yerdən 57-ci yerə enib. 

Cədvəldən görsənir ki, digər postsovet ölkələrinin ötən ilki İKT göstəriciləri daha ciddi şəkildə müsbət istiqamətdə dəyişib. Belə ki, Qazaxıstan 39, Rusiya 41, Gürcüstan 58-ci yerdə qərarlaşıb.

2015-ci ildə Qazaxıstan 40, Gürcüstan 60, Ermənistan isə 58-cu yerdə idi.

Siyahıda ilk yerləri Sinqapur , Finlandiya İsveç, Norveç və ABŞ, sonuncu yerləri isə Chad,  Haiti, Burundi dövlətləri tutub.

Beləliklə, sonuncu hesabatdan göründüyü kimi, Azərbaycanın reytinq cədvəlindəki yeri 2015-cü ildəki səviyyədən yuxarı qalxsa da, 2014-cü ildə qazanılan uğuru təkrarlaya bilməyib. Yəni, bu qurumun hesabatına görə  ölkəmiz İKT sektorunda  2014-cü ildə əldə etdiyi nəticələrdən xeyli geridədir.

WEF-in dərc etdiyi sənəd İKT sektoruna aid  aşağıdakı kriteriyalar üzrə müəyyən edilib :

“Tənzimləyici və qanunverici mühit”, “Biznes və İnnovasiya mühiti”, “İKT-dən istifadə”,  “Bacarıqlar”, “Biznesden  istifadə” “Hökumət sektorunda İKT-dən istifadə”, “İqtisadi təsirlər “,”Sosial təsirlər”  və s.

Hər bir göstərici üzrə 7 ballıq qiymətləndrmə aparılıb.

Məltəm Talıbzadə