AzScienceNet şəbəkəsi təkmilləşdirilir

01-10-2015 / 10:01

AMEA İnformasiya Texnologiyaları İnstitutunda növbəti elmi seminar keçirilib. İnstitutun baş mühəndisi, texnika üzrə fəlsəfə doktoru Rəşid Ələkbərov tədbirin "AzScienceNet şəbəkəsində paralel proqramlaşdırma sistemlərinin tətbiqi” mövzusuna həsr olunduğunu bildirib. 

AMEA İnformasiya Texnologiyaları İnstitutundan Xeberler.az-a verilən məlumata görə, məruzəni İnstitut əməkdaşları Səməd Dursunov və Məmmədrəsul Yaqubov təqdim ediblər.

Səməd Dursunov böyük həcmli hesablama ilə məşğul olan mütəxəssislər üçün hesablama sürətinin artırılmasının vacib şərt olduğunu bildirib. Həmçinin, bu prosesin böyük xərc tələb etdiyini də vuğulayıb: “Bu səbəbdən proqram təminatının inkişafı və açıq tipli əməliyyat sistemlərinin yayılması sürətlənir. Bu iki amilin köməyi ilə superkompüterlərin sürətini və effektivliyini dəfələrlə az vəsait sərf edərək artırmaq mümkün olub” – deyə o bildirib.

Səməd Dursunov paralel proqramlaşdırmanın mahiyyəti, çoxprosessorlu hesablama sistemlərinin nümunə topologiyaları, matriks vurma haqqında da məlumat verib.

Digər məruzəçi Məmmədrəsul Yaqubov paralel hesablamanın üstünlüklərindən danışıb. Bu növ hesablamaların həlli çətin olan, əsasən böyük zəhmət tələb edən problemlərin həllində istifadə olunduğunu bildirib. Paralel hesablama ilə proqramın performansının artdığını, böyük məsələlərin daha az vaxtda həll olunduğunu qeyd edib. Paralel hesablama sistemləri, performans və qiymət, alqoritmlər, paralel sistemlər, paralel proqramlaşdırma modellərindən də bəhs edib.

 

Sevinc Çəltikova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.