RƏQƏMSAL DÜNYA

“Multimedia” İnformasiya Sistemləri və Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz  Xeberler.az-a açıqlamasında nəticələri analiz etdikdə xeyli maraqlı məqamların üzə çıxdığını vurğulayıb:

"Məlumdur ki, bu qiymətləndrimə Prezidentin 2014-cü il 11 sentyabr tarixli 262 nömrəli Fərmanına əsasən həyata keçirilir. Qiymətləndirmə prosesində qurumların özləri və bəlli bir meodika əsasında Dövlət Agentliyi iştirak edir. Vətəndaşların münasibət bildriməsi üçün də imkanlar yaradılıb. Dövlət Agentliyi ötən il 30 mərkəzi icra hakimiyyəti orqanının 353 xidmətini, Bakı şəhərində fəaliyyət göstərən 13 yerli icra hakimiyyəti orqanının 234 xidmətini və kommunal xidmətlər göstərən 4 hüquqi şəxsin 47 xidmətini qiymətləndirib. Xidmətlər çoxsaylı parametrlər üzrə qiymətləndirilir və yekunda 5 ulduz sistemi əsasında Reytinq Cədvəli müəyyən olunur. Sonuncu qiymtləndirmənin nəticələrinə görə ötən ildə olduğu kimi cari ildə də 5 ulduz qazanan yoxdur. Cəmi 1 qurum , Dövlət Miqarsiya Xidməti 4 ulduz qazanaraq 1-ci yeri , Vergilər Nazilriyi və Statistika Komitəsi 3 ulduzla 2 və 3-cü yerləri bölüşdürüblər.  Qalan 25 Nazilrik isə 2 və 1 ulduzla xeyli zəif nəicələr göstəriblər. Bu o deməkdir ki, xidmətlərin göstərilməsində keyfiyyətt ən aşağı səviyyədədir. Rayon icra hakimiyyətləri arasında isə yalnız 3 qurum, Binəqədi, Suraxanı və Pirallahı İcra Haikimiyyətləri 2 ulduz qazanaraq ilk yerləri tutublar.

Qiymətləndirmə metedologiyasının hazırlanmasında ADA və həmçinin Elektron Xidmətlərin Təşviqi üzrə İctimai Şura olaraq biz də iştirak etmişik və təkliflər vermişdik. Sənəd kifayət qədər təkmildir . ASAN-nın qiymətləndirmə peşəkarlığına da əminəm. Belə olan halda maraqlı məqam, Reytinq Cədvəlində sonuncu yerləri tutanlardan daha çox, böyük resurslara malik olan, e-xidmət sahəsinə uzun illər xeyli vəsaitlər xərcləyən dövlət qurumlarının zəif nəticələr göstərməsidir. Məsələn, Daxili İşlər Nazirliyi, Fövqəladə Hallar Nazirliyi, Kənd Təsərrüfatı Nazirliyi, Əmək və Əhalinin Sosial Müdafiəsi Nazirliyi, Nəqliyyat, Rabitə və Yüksək Texnologiyalar Nazirliyi, Təhsil Nazirliyi, Gənclər və İdman Nazirliyi, İqtisadiyyat Nazirliyi, Azərsu, Azərişıq və Azəriqaz kimi qurumların göstərdiyi xidmətlərin cəmi 1 ulduz qiymət alması, ciddi resurslara malik olmayan qurumlarla bir sırada olması sadəcə anlaşılmaz və biabırçılıqdır. Çünki , elə Nazirliklər var ki onların resursları və imkanları, kadrları yetərli deyil və nəticələri də indiki məqamda anlaşılandır.  Amma sadaladığım qurumlardakı imkanlar, kadrlar və indiyədək yatırılan resurslar baxımından xidmətlərin keyfiyyət səviyyəsinin hədsiz aşağı səviyyədə olması normal bir hal deyil.  Düşünürəm ki PA-nın eGov quruculuğu ilə bağlı şöbəsi, VXSİ Dövlət Agentliyi və EHİM bu nəticələrin fərqində olmalıdırlar."