Ekspert mobil operatorlara maraqlı təklif verdi

02-10-2020 / 22:35

"Əminəm ki, bu baza stansiyaların, onlar arasındakı magistral telekommunikasiya xətlərinin koordinatları bizim ordumuzda da var".

BAKI, 1 oktyabr — Sputnik. "İşğal olunmuş ərazilərimizdə qeyri-qanuni fəaliyyət göstərən "Karabakh Telecom" mobil operatoru sərhəd xəttinə hətta ən yaxın yerlərdə, Tərtərdən 25-20 km məsafədə ən azı bir baza stansiyası qurub. Hansı ki, orada bizim 3 mobil operatorun stansiyaları qurulmalıydı".

Xeberler.az bildirir ki, bu barədə Azərbaycan İnternet Forumunun (AİF) prezidenti Osman Gündüz danışıb.

O qeyd edib ki, xəritədən görmək olur ki, elə ərazilər var, məsələn, Ağdərə ətrafında, hətta iki baza stansiyası qurublar.

"20 ildir ki, "Karabakh Telecom"un əslən Livandan olan sahibləri, Fatuş qardaşları beynəlxalq hüquqa, beynəlxalq normalara tüpürərək bizim torpaqlarda biznes qurub, pul qazanırlar. Lisenziyanı da indi beynəlxalq hüquqdan dəm vuran Ermənistandan alıb. İndi cavab verməli məqam yetişib. Düşünürəm ki, gələcəkdə onlara qarşı bizim resurslar hesabına topladıqları kapitalla bağlı iddiaları aidiyyəti qurumlarımız indidən hazırlasalar, faydalı olardı. Əminəm ki, "Karabakh Telecom"-un hazır mobil şəbəkəsinə, hazır tezliklərinə sahib olmaqla bağlı bizim mobil operatorlar arasında sağlam mübarizəni görmək bizə qismət olacaq", - deyə ekspert qeyd edib.

O.Gündüz ehtimal edir ki, erməni hərbi birləşmələri, erməni hərbçiləri hazırda "Karabakh Telecom"-un mobil xidmətlərindən də yararlanırlar: "Əminəm ki, bu baza stansiyaların, onlar arasındakı magistral telekommunikasiya xətlərinin koordinatları bizim ordumuzda da var".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.