Ölkədə elektron hökumət quruculuğunun göstəricisi
"Universitetlərə qəbul olunan abituriyentlərdən qeydiyyat üçün xeyli sayda kağız formada sənədlər tələb olunur. Bu sənədlərin əksəriyyəti müvafiq dövlət qurumlarının məlumat bazalarında, elektron formada var".
Xeberler.az bildirir ki, bu sözləri Azərbaycan İnternet Formunun Prezidenti, ekspert Osman Gündüz deyib:
"Lakin qurumlar arasında kordinasiya və inteqrasiya olmadığından, mövcud hüquqi bazada e-gov quruculuğu baxımından sadələşmə və optimallaşma aparılmadığından sənədlər yenidən kağız fotmada tələb olunur. Reallıq ondan ibarətdir ki, vətəndaşlar hələlik e-gov-un üstünlüklərindən yetərincə bəhrələnə bilmirlər".
Ekspertin qeyd edib ki, illərdir e-gov quruculuğu apardığımız halda hələ də vətəndaşlardan aşağıdakı sənədlər tələb olunur:
1. Şəxsiyyət vəsiqəsinin, bəzi hallarda isə doğum haqqında şəhadətnamənin notarial qaydada təsdiq olunmuş surəti;
2. Müvafiq ixtisasa qəbul olunmaqla bağlı DİM-dən sənəd
3.Hərbi biletin, çağırışçı vəsiqəsinin scan edilmiş surəti;
4. Attestatın əslinin scan edilmiş surəti;
5. Abituriyentin məcburi köçkün vəsiqəsinin notarial qaydada təsdiq edilmiş surəti;
6.Valideynlərin məcburi köçkün vəsiqəsinin notarial qaydada təsdiq edilmiş surəti;
7.Abituriyentin əlilliyini təsdiq edən sənədin notarial qaydada təsdiq edilmiş surəti və s.
Bir daha qeyd etmək istərdim ki, bu məlumatların hər birisi elektron formada müvafiq dövlət qurumların bazalarında var.
E-gov-un əsas mahiyəti isə ondan ibarətdir ki, əgər vətəndaş haqqında hər hansı bir məlumat bir dövlət qurumunda varsa digər dövlət qurumları həmin məlumatı vətəndaşdan yenidən tələb etməməlidir. Göründüyü kimi hələlik buna əməl olunmur".
