Kaspersky Netflix adı ilə cihazları yoluxduran cəhdlər aşkar edib

24-07-2020 / 16:56

Xeberler.az bildirir ki, 2019-cu ilin yanvar ayından etibarən Kaspersky, adlarında Netflix-in qeyd olunduğu zərərli fayllarla cihazları yoluxdurmağa çalışan 22 mindən çox cəhd aşkar edib. Əksər hallarda "Qəribə şeylər," "Cadugər" "Cinsi təhsil", "Narıncı - sezonun hiti" serialları yem kimi istifadə olunuub.

Təcavüzkarlar məşhur şouların adlarını reklam proqramları və zərərli proqramlara əlavə edir və onlardan fişinq hücumlarını həyata keçirmək üçün istifadə edirlər. Tapılan fayllar arasında, məsələn, məlumatların silinməsi və ya bloklanmasını təmin edən müxtəlif tipli funksional troyanlar, habelə istifadəçi fotoşəkillərini və onlayn bankçılıq zamanı şifrələri oğurlamaq üçün istifadə edilən casus proqramları var.

Bundan əlavə, Azərbaycanda məşhur olan xidmət və onlayn kinoteatrların - KinoPoisk HD, Okko, IVI bənzətməsi olan zərərli və arzuolunmaz proqramlar da tapılıb. “İnsanlar onlayn kinoteatrlardan getdikcə daha aktiv istifadə edirlər. Mütəxəssislərimizin qeyd etdiyi kimi, koronavirus pandemiyası dövründə geniş auditoriyanın bu cür xidmətlərə marağı xüsusilə artıb, çünki bu mənbələrin əksəriyyəti çox sayda filmə və seriallara pulsuz giriş təqdim edir. Kinoya baxmaq üçün internet platformaların populyarlığını kiber cinayətkarlar, əlbəttə ki, öz xeyirlərinə çevirməyə çalışırlar. Buna görə də serialları və filmləri rəsmi platformalarda izləmək daha yaxşıdır," deyə Kaspersky-nin Azərbaycandakı rəsmi nümayəndəsi Müşviq Məmmədov bildirib.

Zərərli proqramlarla qarşılaşma riskini azaltmaq üçün Kaspersky tövsiyə edir:

• "stream" qaynaqlarına yalnız rəsmi saytlar və ya tətbiqlər vasitəsilə daxil olun;

• sənədləri qeyri-rəsmi mənbələrdən yükləməyin;

• Kaspersky Security Cloud kimi bütün növ cihazların hərtərəfli qorunmasını təmin edən etibarlı bir təhlükəsizlik həlli quraşdırın.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.