Microsoft kibertəhlükələrə qarşı yeni alətlər təqdim edib

03-05-2018 / 15:10

Microsoft korporasiyası məlumatları və korporativ şəbəkələri daha ciddi müasir təhlükələrdən qorumaq, eləcə də, əşyaların interneti (Internet of Things – IoT) cihazlarına yönəlmiş zərərverici proqram təminatının yeni növləri ilə mübarizə aparmaq məqsədilə yeni əqli alətlər hazırlayıb.

Xeberler.az-ın məlumatına görə, Microsoft-un məqsədi – buluddan son cihazadək kompleks müdafiəni təmin etmək üçün kibertəhlükəsizlik ekosistemini inkişaf etdirməkdir.

Yeni nəsil cihazlarının təhlükəsizliyini təmin etmək məqsədilə Microsoft – mikrokontrollerlər bazası əsasında ağıllı periferiyanın yüksək səviyyədə qorunan cihazları ilə həllərin yaradılması üçün bu sahədə ilk kompleks platforma olan Azure Sphere-ni təqdim edir.

Platformaya tamamilə yeni sinfə aid, əvvəlkindən 5 dəfə güclü olan mikrokontrollerlər, IoT sistemlərinin təhlükəsizliyini təmin etmək üçün xüsusi əməliyyat sistemi, həmçinin bütün Azure Sfera cihazları üçün “açar təslimi” bulud müdafiə xidməti daxildir. Azure Sfera sayəsində Microsoft korporasiyası "ağıllı" periferiya sərhədlərini genişləndirərək cihazların tamamilə yeni kateqoriyalı cihazların məhsuldarlığını və təhlükəsizliyini təmin edir.

“Ötən ilin dağıdıcı kiberhücumları göstərdi ki, təhlükəsizlik təhdidləri inkişaf edirək daha da ciddi xarakter alır. Texnologiyalar sektoru innovasiyalar vasitəsilə bu təhdidlərin önünə keçməsi üçün böyük səy göstərməlidir. Bugünkü addımlar nəinki buludda, eləcə də qlobal kompüter şəbəkələri sərhədlərində fəaliyyət göstərən milyardlarla yeni cihazlarda təhlükəsizlik sahəsində mühüm nailiyyətləri əlçatan edir”, - deyə Microsoft-un prezidenti və baş hüquq məsləhətçisi Bred Smit bildirib.

Təhdidləri dərhal aşkar etmək və onlara operativ şəkildə reaksiya vermək üçün istifadə olunan əqli alətlər və məlumat bazaları müvafiq siqnalların əlavə edilməsi ilə təkmilləşdirilir. Maşın təlimi alətlərinin effektivliyi onların əldə etdiyi məlumatların keyfiyyətindən asılıdır. Microsoft-un təhlükəsizlik həlləri Microsoft Intelligent Security Graph-a daxil olan trilyon müxtəlif siqnalların emalının nəticələrindən istifadə edir.

Təhlükəsizlik alətlərinin böyük hissəsi daha miqyaslı potensial təhdidin yalnız bir fraqmenti barədə məlumat verərək hücum barədə qərarı məhdud nöqteyi-nəzərdən qəbul edir.

Intelligent Security Graph-da ayrı-ayrı alətləri birləşdirməklə təhlükəsizlik üzrə mütəxəssislər məlumatların daha məzmunlu modellərini əldə edəcəklər ki, bu da təhdidlərin daha sürətlibir aşkar edilməsinə və onlara reaksiya göstərilməsinə imkan yaradacaq.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.