TƏHLÜKƏSİZLİK

Kaspersky şirkəti Bakutel 2015 sərgisində yeni məhsullarını təqdim edir.

Şirkətdən Xeberler.az-a verilən məlumata görə, təqdim olunan yeni məhsullardan biri də “Save kids” adlı tətbiqdir.

Bu tətbiq uşaqların internetdə təhlükəsizliyini təmin etmək üçün yaradılıb. Məhsul valideynlərin istifadəsi üçün nəzərdə tutulub.

Belə ki, valideynlər uşaqları internetdə hər hansı bir mənfi təsirdən qorumaq məqsədilə adıçəkilən tətbiqi telefonlarına yükləyə, nəticədə uşağın internetdə hansı saytlara daxil olduğunu, Facebook-dakı dost siyahısını, Google-da hansı sözləri axtarışa verdiyini öyrənə bilərlər.

“Save kids” tətbiqinin istifadəsi iki rejimdə həyata keçirilir. Bir rejim valideynin, digəri isə uşağın telefonuna yüklənir. Beləliklə, uşağın aktivliyi haqqında məlumat dərhal valideynin smartfonuna daxil olur.

Tətbiq valideynə uşağın maraq dairəsi, problemləri, istəkləri ilə yaxından tanış olmağa imkan verir.  Belə ki, uşağın Facebook-da dostlarının sayının birdən çoxalması onun hesabının sındırılması nəticəsində baş verə bilər. Yaxud da dostlarının sayının birdən-birə azalması onun ünsiyyət problemi olduğuna işarələnə bilər.

"Save kids" valideynlərə uşaqlarını daha yaxından tanımağa kömək edir.

Məltəm Talıbzadə