TEXNOLOGİYA

Radio dalğaların əvəzinə informasiyanın ötürülməsi üçün işıq şüalandırılması üsulu ilə  Wi-Fi- dan 100 qat daha sürətli texnologiya hazırlanıb.

Xeberler.az-ın xarici mətbuata istinadən verdiyi məlumata görə,  Lİ-Fİ adlı bu üsul ötən həftə Estoniyanın paytaxtı Tallinn-də işçiləri olan bir ofisdə sınaqdan keçirilib.

Sıınaqdan keçirən Velmenni firması Lİ-Fİ-ya uyğun lampa ilə 1Gbps (saniyədə 1 qiqabit) sürətlə informasiyanın ötürüldüyünü bildirib.

Laboratoriya testlərində isə bu üsulun nəzəri olaraq 224Gbps sürətə qədər informasiyanı ötürmə xüsusiyyətinə malik olduğu bildirilib. Bunun üçün gücü 1 volt olan adi işıq diodlu lampaya mikroçiplər quraşdırılır və işığı yandıran zaman siqnal kompüterdə quraşdırılan qurğuya ötürülür.

Lİ-Fİ texnologiyasının ən böyük üstünlüyü isə Wİ-Fİ kimi digər siqnalların təsirinə məruz qalmamasıdır. Bu səbəblə təyyarələr kimi siqnalların qarışması olan bir ərazidə Lİ-Fİ-dan istifadə mümkündür.

Ancaq bu texnologiyanın çatışmayan cəhətləri də var. Bunlardan ən mühümü birbaşa günəş işığı şüalanmasınının təsirinə görə açıq hava şəraitində istifadə edilə bilməməsidir.

Bundan əlavə,  siqnalların divarlardan ötürülə bilinməməsi də belə mənfi cəhətlərdəndir.

Bunları nəzərə alaraq  Lİ-Fİ-dan ilk olaraq xəstəxanalar kimi Wi-Fi istifadəsinin təhlükəli olduğu yerlərdə istifadə edilməsi planlaşdırılır. 

Ağasəf Haqverdiyev