İyunun 1-də Heydər Əliyev Mərkəzinin parkında “Uşaq festivalı” keçirilib. Heydər Əliyev Mərkəzinin təşkilatçılığı, Heydər Əliyev Fondu, Təhsil Nazirliyi, Nərimanov Rayon İcra Hakimiyyəti və “Regional İnkişaf” İctimai Birliyinin dəstəyi ilə keçirilən tədbirə giriş sərbəst olub. Festivalda uşaq evlərinin sakinləri və internat məktəblərinin şagirdləri də iştirak ediblər.
Xeberler.az bildirir ki, 1 İyun - Uşaqların Beynəlxalq Müdafiəsi Günü münasibətilə təşkil olunan festival balacalara bayram əhvalı yaşatmaqla yanaşı, həm də onların xoşbəxt, sağlam böyüyüb yetişməsinə, təhsil almasına, layiqli vətəndaş kimi formalaşmasına cəmiyyətin diqqətini bir daha yönəltmək məqsədi daşıyıb.
Festivalda müxtəlif əyləncə və maarifləndirici proqramlar təqdim olunub. Parkın ərazisi müxtəlif mövzular və əyləncə növləri üzrə bölünüb.
AMEA-nın Yüksək Texnologiyalar Parkı (YTP) üçün ayrılmış meydançada qurum tərəfindən istehsal olunmuş innovativ məhsullar nümayiş etdirilib. YTP-nin rezidentləri olan “Troniq” MMC ultrabənövşəyi dezinfektor robot, “TV box”, LED lampa, plata və diod kimi yüksək texnologiyalı məhsullar, “Elm və Texnologiyalar Parkı” MMC isə kiçikhəcmli dron sərgiləyib.
Öncədən müəyyən edilmiş marşrut üzrə bütün maneələri aşaraq dezinfeksiya işləri aparmaq imkanına malik robot uşaqların xüsusilə diqqətini cəlb edib. Yüksək texnologiyalara böyük maraq göstərən uşaqlar festival çərçivəsində təşkil olunmuş interaktiv dərslərdə dronların hazırlanma prosesi ilə də tanış olmaq imkanı qazanıblar.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları