Pirallahı YTP-da kompüter avadanlıqları istehsalı üçün şərait yaradılacaq

11-06-2015 / 12:45

Xəbər verdiyimiz kimi, Respublika Prezidentinin 5 noyabr 2012-ci il tarixli fərmanı ilə Pirallahı adasında Yüksək Texnologiyalar Parkı ( YTP) yaradılması nəzərdə tutulub. 

2015-ci ilin əvvəlində Pirallahı Adasında YTP-nın tikintisinə başlanılıb və hazırda üç əsas istiqamətlər üzrə işlər aparılır. Ərazidə tikinti işlərinin yekunlaşması 2016-ci ilin sonlarına nəzərdə tutulub.  

Bu barədə Xeberler.az-a YTP-nin Dövlət qurumları və ictimaiyyətlə əlaqələr şöbəsinin rəisi Zamin Nurəhmədov məlumat verib.

Qurum rəsmisi deyib ki, YTP infrastrukturunun qurulması üçü hazırda özəl investorlarların infrastruktur investisiyalarına cəlb etmək məqsədi ilə müəyyən işlər aparılır.

Onun sözlərinə görə, bunun üçün məsləhətçilərlə birgə, illər üzrə müvafiq biznes modellər hazırlanıb. O, bildirib ki, Vençur fondları bazarının yaradılması üçün müvafiq araşdırmalar aparılıb və hazırda bu istiqamətdə işlər davam etdirilib.

Zamin Nurəhmədov qeyd edib ki, YTP-da texnoloji transfer mərkəzinin yaradılması, o cümlədən hardware (kompüter avadanlığı) istehsalı üçün lazimı tədbirlərin görülməsi də planlaşdırılır: “Biz YTP olaraq həm yerli elmi tədqiqatların nəticələri ilə yanaşı, həm də xaricdə olan yeni və yüksək texnologiyaların Azərbaycanda istehsala cəlb edərək, regionda rəqabətədavamlı məhsulların istehsalı üçün müvafiq tədbirlərin görülməsini planlaşdırırıq”.

2012-ci il noyabrın 5-də  Prezident   İlham Əliyev "Yüksək Texnologiyalar Parkı"nın yaradılması haqqında Fərman imzalayıb.  Fərman ölkənin neft iqtisadiyyatını biliklərə əsaslanan iqtisadiyyata çevirmək məqsədilə Azərbaycan 2020: Gələcəyə Baxış çərçivəsində imzalanıb. İKT üçün davamlı inkişaf və rəqabətli mühitin yaradılması məqsədi daşıyan Yüksək Texnologiyalar Parkı Gələcəyə Baxış Konsepsiyasının təməl layihəsidir. YTP tamamilə Azərbaycan Hökumətinə məxsus və Rabitə və Yüksək Texnologiyalar Nazirliyinin tabeliyində fəaliyyət göstərən şirkətdir. Yüksək Texnologiyalar Parkının istifadəsi üçün Pirallahı Adasında 50 hektar ərazi ayrılıb.

 

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.