Ambisiyalar milli domenin gələcəyini sual altında qoyur-EKSPERT

13-07-2018 / 13:00

Milli domenlə (.az) bağlı səlahiyyətlər Nəqliyyat, Rabitə və Yüksək Texnologiyalar Nazirliyindən (NRYTN) alınaraq Nazirlər Kabinetinə verilsə də yeni dəyişikliklər yoxdur.

Ötən ilin dekabrında Telekommunikasiya haqqında qanuna edilən dəyişikliyiə görə .az domeninin qeydiyyat qaydalarının hazırlanması ilə bağlı səlahiyyət Prezident ilə razılaşdırmaqla Nazirlər Kabinetinə verilib. Qəbul edilən Prezident Fərmanına əsasən .az domeninin qeydiyyatı ilə bağlı yeni qaydaları Nazirlər Kabinetinin iki ay müddətində hazırlaması gözlənilirdi. Lakin hələdə sözü gedən qaydalar haqqında məlumat yoxdur.

Qeyd edək ki, 1994-cü ildən bu tərəfə milli domenin qeydiyyatı ilə bağlı bir sıra addımlar atılıb. Bir çox qurumların burada marağı olub. 

2017-ci ilin dekabrınadək milli domenin tənzimlənməsi səlahiyyəti NRYTN və əlaqədar qurumlara verilib. Nazirlik əlaqədar qurumlarla birgə bunu reallaşdırmalıydı.  Nazirlik  əlaqədar qurumları bir yerə yığıb mətbuat konfransı keçirsədə nəticəsi olmadı.

Xeberler.az-a açıqlama verən Azərbaycan İnternet Forumunun prezidenti Osman Gündüz bildirdi ki, tənzimləmədəki problemlər bu məsələnin həllini uzadır: "Uzun müddət bu sahədə normal hüquqi tənzimləmə yaratmaq mümkün olmayıb. İndiyədək də mövcud qeydiyyat və tənzimləmə yerli qanunvericiliyə və beynəlxalq normalara uyğun deyil. Normal qaydalar, rəqabətli və şəffaf mühit, qeydiyyat qurumu yoxdur. O zaman xatırlayıram ki,  bu proseslərdə Milli Təhlükəsizlik Nazirliyinin (MTN) də marağı vardı. 

Hazırda isə bu sahədə səlahiyyətlər ən yüksək ali instansiyaya həvalə edilib.
NRYTN-dan əldə etdiyimiz məlumata görə Nazirlik aidiyyatı qurumlarla birgə bu istiqamətdə çalışır.

Ümid edirəm milli domenin beynəlxalq normalara uyğun bir tənzimləmə sistemi hazırlanacaq."


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.