Beynəlxalq Telekommunikasiya İttifaqı (BTİ) və BMT-nin Narkotiklər və Cinayətkarlıq üzrə İdarəsi (UNODC) arasında Qarşılıqlı Anlaşma Memorandumu imzalanıb.
Xeberler.az bildirir ki, sənədə əsasən BMT-nin bu iki idarəsi dövlətlərə kibercinayətkarlıqla mübarizə üçün birgə yardım göstərəcək.
BMT sisteminə daxil olan iki təşkilat ilk dəfədir ki, kibertəhlükəsizlik sahəsində qlobal səviyyədə əməkdaşlıq haqqında rəsmi qərar qəbul edir.
“UNODC ilə yeni ittifaq getdikcə daha ciddi xarakter alan qlobal problemlərdən birinin həllinə əlaqələndirilmiş qlobal yanaşmanın həyata keçirilməsində mühüm mərhələdir. Hər iki təşkilat birgə fəaliyyət zamanı əhəmiyyətli gücə malik ittifaq yarada biləcəklər ki, bu da kibertəhlükə və kibercinayətkarlıq kimi problemlərlə mübarizədə maraqlı olan bütün ölkələrə kömək edəcək, həmçinin hər kəs üçün daha təhlükəsiz onlayn məkan yaratmaq imkanı verəcək”, - deyə BTİ-nin baş katibi Hamadun Ture bildirib.
BMT-nin Xəbərlər Mərkəzinin məlumatına görə, təşkilat həm inkişaf etməkdə olan, həm də inkişaf etmiş ölkələrin hökumətlərinin proqram təminatı, kiberhücum və məlumat oğurluğu ilə bağlı getdikcə daha da artan təhlükələrə qarşı əks tədbirlərə hazırlıq məsələlərində kömək etmək niyyətindədir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları