Dünyada, eləcə də qonşu ölkələrdə süni intellektin sürətli inkişafı həm də biznesin, innovasiya və startap ekosistemin böyük data resurslara əlçatanlığı ilə bağlıdır.
Ölkələr bununla bağlı Smart Data proqramları işləyirlər.
Yəni hökumətlər öz əlində olan datanı biznes üçün, İT şirkətlər və startaplar üçün, Universitetlər və tədqiqat institutları üçün əlçatan edir.
Maraqlı tərəflər bu datalar əsasında öz fəaliyyət istiqamətləri üzrə modellər, süni intellekt həlləri yaradırlar.
Təəssüfki, hələlik bizdə açıq məlumat bazaları yox dərəcədədir. Dövlət qurumları özlərinin nəhəng məlumat bazalarını Açıq Məlumat Portalına inteqrasiya etməkdə maraqlı deyillər.
Açıq Məlumat Portalı isə baxımsız bir vəziyyətdədir.
Təəssüfki, RİNN-nin İnnovasiya və Rəqəmsal İnkişaf Agentliyi bu istiqamətdə çox ləng tərpənir.
RİNN süni intellekt sahəsində Mərkəzi Bankla uğurlu bir əməkdaşlığa başlamışdı.
Süni intellektlə bağlı RİNN və İqtisadiyyat Nazirlikləri tərəfindən konseptual sənəd layihəsinin hazırlanması istiqamətində addımlar atıldığı bildirilsə də hələlik ortada heç nə yoxdur.
Düşünürəm ki, ölkəmizin startap ekosisteminin indiki durumunda hansısa bir beynəlxalq platformadakı xırda bir uğuru ifrat dərəcədə qabartmaqdansa böhrandan birgə çıxış yolları axtarmaq daha məqbul olardı.
Real vəziyyət elədir ki, dövlət qurumları öz datalarına heç kimi yaxın buraxmaq və paylaşmaq istəmir, yaxud da özləri onun üzərində biznes qurublar.
İRİA hələlik bu sahədə dönüş yarada bilməyib.
Ehtiyac var ki əlaqəli qurumlarla birgə dövlətə məxsus datalara maraqlı tərəflər üçün əlçatanlıq yaradılsın, Açıq Məlumat Bazaları haqqında Qanun layihəsi hazırlansın
Osman Gündüz
