Ekspert: Nə üçün Qarabağla bağlı Əlaqələndirmə Qərargahının informasiya resursu yoxdur?

15-07-2021 / 16:09
"Prezidentin ötən il 24 noyabr tarixdə imzaladığı sərəncamla Azərbaycanın işğaldan azad edilmiş ərazilərində məsələlərin mərkəzləşdirilmiş qaydada həllilə bağlı Əlaqələndirmə Qərargahı yaradılıb.
 
Qərargahın rəhbəri vəzifəsinə Prezident Administrasiyasının rəhbəri Samir Nuriyev təyin olunub".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Ekspertin sözlərinə görə, Qərargahın nəzdində katiblik və kommunikasiya funksiyasının yerinə yetirilməsi və zəruri analitik-təşkilati dəstək göstərilməsi məqsədilə İdarələrarası Mərkəz də formalaşdırılıb. Qurum indiyədək bir xeyli işlər görüb.
 
"Ötən müddət ərzində Qərargahın və Mərkəzin nəzdində yaradılan müxtəlif istiqamətlər üzrə İşçi Qruplarının (Enerji təhlükəsizliyi, şəhərsalma, telekommunikasiya , ekologiya istiqamətləri və s.) xeyli sayda toplantıları, işgüzar görüşlər, səfərlər təşkil olunub.
 
Maraqlıdır ki, Qərargahla bağlı informasiya resursu indiyədək hazırlanmayıb. Qurum sadəcə zaman-zaman görülmüş işlərlə bağlı məlumatları açıqlayır.
 
Hansı layihələrin və proqramların işğaldan azad olunan ərazilərdə icrasına başlanıldığı, hansıların planlaşdığı haqqında, prosesdə iştirak edən qurumlar və podratçı təşkilatlar haqqında məlumatlar kifayət qədər ictimai əhəmiyyət kəsb edir ki, hazırda bu tip məlumatları dağınıq formada müxtəlif media resurslarından əldə etmək olur.
 
Düşünürəm ki, Qərargahın internet resursunun, onun sosial media hesablarının hazırlanması, ən azı dövlət başçısının rəsmi saytında ayrıca bölmənin yaradılması, istiqamətlər üzrə məsul şəxslərin əlaqə imkanlarının yerləşdirilməsi, prosesə töhfə verə biləcək qurumlar və şəxslər üçün iştirak imkanları haqqında məlumatların burada açıqlanması faydalı olardı".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.