Hindistanın dəmiryolu vağzallarında pulsuz Wi-Fi şəbəkəsi qurulacaq

02-10-2015 / 12:19

Google şirkəti Hindistan əhalisinin internetə çıxış imkanını genişləndirmək məqsədilə ölkənin 400 dəmiryolu vağzalında yüksəksürətli ictimai Wi-Fi şəbəkəsi qurmaq niyyətindədir.

Xeberler.az-ın xarici mətbuata istinadən verdiyi məlumata görə, ilk vaxtlar şəbəkədən istifadənin pulsuz olması nəzərdə tutulsa da, sonradan ödənişli olacağı bildirilir.

Bu barədə Hindistan baş naziri Narendra Modinin ABŞ-a səfəri çərçivəsində Google şirkətinin mənzil-qərargahında keçirilən görüşdə elan edilib. Şirkətə layihənin həyata keçirilməsində köməyi Hindistanın dəmiryolu şəbəkəsinin 99 faizinə nəzarət edən Indian Railways dəmiryolu şirkəti və əksər dəmiryolu xətləri yaxınlığında optik-lif şəbəkəsi vasitəsilə internet xidmətləri təklif edən RailTel operatoru göstərəcək.

Şirkətlər yaxın vaxtlarda işə başlamağı planlaşdıraraq 2016-cı ilin sonunadək Hindistanın minimum 100 dəmiryolu vağzalının ictimai Wi-Fi şəbəkəsi ilə əhatə olunacağını bildiriblər. Bunun sayəsində hər gün vağzallardan istifadə edən 10 milyon insan internetə çıxış imkanı əldə edəcək. Google şirkətinin baş direktoru Sundar Piçai bunu Hindistanda və potensial istifadəçilərin sayı baxımından dünyada ən böyük ictimai layihə adlandırıb.  

Baş direktor qeyd edib ki, Hindistan əhalisinin təxminən 300 milyonu internetə çıxış imkanına malikdir ki, onun da 100 milyonu bu fürsəti ötən il əldə edib. Bununla yanaşı, o vurğulayıb ki, 1 milyarda yaxın insan hələ də internetdən istifadə imkanından məhrumdur və dəmiryolu stansiyalarında ictimai Wi-Fi şəbəkələrinin qurulması bu problemi həll etməyə kömək edəcək.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.