Nettrends nə üçün parçalandı ?

03-03-2015 / 16:04

Elşad Yusifli: “Həmtəsisçilər mənimsədikləri pulu və şirkətin mənə olan digər borclarını ödəməlidirlər”.

Xeberler.az Nettrends şirkətinin parçalanması və fəaliyyətini dayandırması ilə bağlı vəziyyəti araşdırıb və tərəflərin münasibətini öyrənib.

Nettrends layihəsinin ideya rəhbəri və texniki direktoru Elşad Yusifli baş verən hadisə ilə bağlı Xəbərlər.az-a bildirib ki, Nettrends-dən istifadə olunan və onun tərəfindən tərtib olunan proqram təminatı gizlin olaraq başqa serverə köçürülüb.

Onun sözlərinə görə, Nettrends proqram təminatı əsasında  “Kalibri Media Pro” adlı yeni şirkət  yaradılıb. Elşad Yusifli  baş verən hadisəni müştərilərdən birindən təsadüfi öyrəndiyini deyib: “Bütün bu hadisələrin baş verməsinə səbəb şirkətin idarəçilik işlərini həyata keçirən həmtəsisçilərin şirkətin pulundan öz mənfəətləri üçün istifadə etmələri olub. Digər həmtəsisçilər mənimlə məsləhətləşmədən öz istədikləri kadrları yüksək maaşla işə götürüblər. Şirkət daxilində dözülməz mühit yaradıblar. Ona görə, bu məsələni şəriklərin ayrılması və yaxud iki ayrı rəqib şirkətin yaranması kimi qələmə vermək olmaz”.

Elşad Yusifli əvvəl şirkətin hər üç həmtəsisçisinə məxsus Kalibri Media MMC adli ikinci bir sirkət yaratdıqlarını da deyib. O bildirib ki, yeni yaradılan Kalibri Media Pro MMC sirkəti onun xəbəri olmadan təşkil olunub və ad da belə qeyd olunub ki, o, ətrafda bu barədə olan məlumatlardan şübhələnməsin. Elşad Yusifli onin icazəsi və istəyi olmadan yaradılan Kalibri Media Pro MMC sirkətinə qarşı tələblər irəli sürüb. O deyib ki, Kalibri Media Pro MMC  Nettrends-in rebrending edilmiş forması kimi təqdim edildiyinə görə bağlanmalıdır. Bu, yalan və saxta hərəkətlərlə qurulmuş şirkətdir. Elşad Yusiflinin “Kalibri Media Pro MMC “ şirkətindən tələblər edib:

“Həmtəsisçilər mənimsədikləri pulu və şirkətin mənə olan digər borclarını ödəməlidirlər. Nettrends brendinin bütün haqları mənə verilməldir.  Çünki, proqram təminatının müəllifi mənəm və proqram da mənə aiddir”.

Elşad Yusifli həmçinin Nettrends şirkətininin bilərəkdən batırlmasının pərdəarxasını şərh edib: “Məndən gizli Nettrends-dəki əmək müqaviləmə xitab verilib, müəllifi olduğum proqram təminatının digər şirkətin serverinə qurulub, Nettrends işçilərinə "Elşada deməmək" haqqında təhdid edilib, yeni yaratdıqları şirkəti müştərilərə "rebrending" adı altında təqdim edərək, aldadıblar”.

Elşad Yusufli tərəfindən bu məsələdə adı hallandırılan və həmtəsisçi olduğu iddia edilən   Anar Cahangirli Xəbərlər.az-a bildirib ki, onun heç bir şirkətdə həmtəsisçiliyi, hüquqi bağlılığı olmadığı üçün məsələyə aidiyyiatı da yoxdur.

“Nettrends hər hansı təsisçinin malı deyildir”

Nettrends-in həmtəsisçilərindən Samir Qənili isə məsələyə belə münasibət bildirib:

“Keçən il iyunun 11-də Elşad Yusifli mail yazaraq tam olaraq bəyan etmişdi ki, Nettrends MMC-nin fəaliyyəti dayansın və hər bir təsisçi istədiyi kimi bundan sonra öz fəaliyyətini davam etdirsin. Digər iki təsisçi də artıq uzun müddətdir təsisçilər arasında razılaşdırıla bilməyin ümümi şirkət strategiyası və s. hallarını nəzərə alaraq Elşad Yusiflinin təklifinə etiraz etməyib.  Nettrends MMC nin direktoruna şirkət fəaliyyətinin dayandırılması istiqamətində iş aparılması tapşırılıb. Burada müştərilər qarşısında olan hüquqi və maddi öhdəliklər, debitor və krektiror, vergilər və s bunun kimi məsələlərin həll edilməsi zəruridir. İyun ayından etibarən bu proses gedir və mənim məluatıma görə artıq yekunlaşmaq üzrədir”.

Samir Qənili bildirib ki, Elşad Yusifli bir ara proqram təminatının ona aid olduğunu filan iddia edirdi, amma sonradan özü də anladı kı bu proqram Nettrends MMC -nin məhsuludur: “Bu  hər hansı bir təsisçinin malı deyildir. Biz hüquqi normlarla idarə olunan bir dövlətdə yaşayırıq və Elşad bəyin əgər ona qarşı haqsızlıq edildiyini düşünürsə təbii ki hüquq çərçivəsində həll axtarmaq haqqı vardır. O ki qaldı mənim şəxsi gələcək fəaliyyətimə sizin Xeberler.az   vasitəsi ilə bəyan edirəm ki, Samir Qənili olaraq bundan sonra Azərbaycanda və ya hər hansı digər xarici ölkələrdə heç bir media monitoring fəaliyyəti ilə məşqul olmayacam”.

Samir Qənili gələcək planından da söz açıb:  “Biznes sahəsi artıq mənim üçün maraqlı deyil”. Planımda var ki , Amerika Birləşmiş Ştatlarında digər biznes sahəsi çərçivəsində əmək fəaliyyətimi davam etdirəcəyəm”.
Samir Qənili də Anar Cahangirlinin Nettreds-də təsisçi olmadığını bildirib.

Məsələdə adı hallanan digər həmtəsisçi Rüstəm Rəhimli ilə bir neçə dəfə əlaqə yaratmaq istəsək də cəhdlərimiz baş tutmadı.


Məltəm Talıbzadə

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə