MÜSAHİBƏ

Xeberler.az olaraq məlumat vermişdik ki, NRYTN  II Beynəlxalq “Kibertəhlükəsizlik həftəsi” üzrə “Kibertəhlükəsizlik konfransı” keçirir.

Məslə ilə bağlı Azərbaycan İnternet Formunun Prezidenti, ekspert Osman Gündüz münasibət bildirib:

"Tədbirin keçirilməsi ilk baxışdan belə görsənir ki, doğurdan da aktual və faydalıdır.

Amma mahiyyətə diqqət etdikdə, müzakirə olunan məsələlərə və açıqladıqları məlumatlara baxdıqda təəccüblənməyə bilmirsən.

Məsələn :
1. Məntiqlə bu həftənin əsas müzakirə predmeti uzun müddətdən bəri gözlənilən “İnformasiya təhlükəsziliyi üzrə Milli Strategiya” olmalıydı. Hansı ki cəmiyyətin bütün tərəflərinin maraqlarına toxunan bu sənəd hələlik layihə formasındadır, təsdiqlənməyib.

Amma çox maraqlıdır və anlaşılmazdır ki, bu sənəd ortada yoxdur. Yəni NRYTN-ın həm fəliyyət funksiyalarına görə və həm də keçirdikləri həftənin mahiyyətinə görə müzakirə olunmalı olan ƏSAS sənəd, layihə ortada yoxdur.

Əvəzində isə Həftə çərçivəsində olduqca dar bir çərçivədə, prioritet olmayan mövzulara üstünlük verilir.

Bu cür, absurd situasiya ilə indiyədək mən rastlaşmamışam.

2. Keçirilən həftə çərçivəsində Hökumət Buludu müzakirə olunduğu bildirilib. Amma bu sahə ilə əlaqəli bütün maraqlı tərəflər bilir ki, hazırda belə Bulud, necə deyərlər “göydə görsənmir”, ortada yoxdur. AzCloud adlanan struktur formalaşdırılsa da hökumət qurumları və özəl sektorun çox hissəsi ora miqrasiya etmək istəmir. Çünki, sadəcə servis və zəruri xidmətlər yoxdur, dövlət qurumları uzun illər formalaşan məlumat bazaları üçün adı çəkilən Hökumət buludundan təminatlar ala bilmirlər.
Yevlaxdakı Backup da hələ hazır deyil. Bakıdakı, lisenziya vaxtı bitmiş HP avadanlıqların da Yevlağa köçürülməsi və bura üçün yeni avadanlıqların alınması nəzərdə tutuılur. Qısası , görünən odur ki maraqlı tərəflərin iştirakı təmin olunmayan bir dar çərçivıəli toplantı edirlər və olmayan bir şeyi müzakirəyə çıxarırlar.

Prezidentin tapşırığı ilə bu sahə il əlaqəli hazırlanmalı olan təkliflər haqqında NRYTN indiyədək də açıqlama verməyib.

3. Bir tərfədə dövlət sektorunda informasiya təhlükəsziliyinə cavadeh qurum olan XDMX Prezidentin fərmanına uyğun olaraq formalaşan “İnformasiya Təhlükəsizliyi üzrə Koordinasiya Komissiyası” nin işini təşkil edir. İnformasiya təhlkəsizliyi üzrə Konsepsiya hazırlayır. Bu qurum dövlət sektorunda Kasperskidən imtina edir və Yaponiyanın TrendMicro məhsuluna üstünlük verrir.

Dövlət sektorunda bəzi sahələrdə hələ də xarici rəqəmsal resurslardan asılılıq qalmaqdadır. Strateji sahələrdə Milli alternativlərin yaradılmasına ehtiyac var.
Belə bir anda NRYTN-in DATA Mərkəzinin operatoru olan AzİnTelecom ilə "Kaspersky Lab" arasında əməkdaşlıq protokolu imzalanır. Arxasınca da Kibertəhlükəsizlik həftəsi keçirir 

Gəl indi anla ki, nə baş verir.

4. Kibercinayətkarliqla bağlı, fərdi məlumatların qorunması ilə bağlı beynəlxalq təcrübənin öyərinlməsi, Avropada bu sahə ilə əlaqəli yeni qəbul olunan qaydalara uyğun olaraq ölkə qanunvericiliyinin də təkmilləşdirilməsi olduqca aktualdır. Bəzən müşahidə edirik ki bizim vətəndaşlarımızın fərdi məlumatalrı da qanunsuz olaraq müxtəlif qurumlar tərəfindən ələ keçirilir və müxtəlif məqsədlər üçün istiafdə olunur. Ölkədə Kibercinayətkarliqla bağlı strukturların formalaşmasına ciddi ehtiyac var. Bu qurumlar və səlahiyyətlər necə olmalıdır? Amma baxırsan ki, NRYTN tamamilə başqa, daha az əhəmiyyət kəsb edən hədəfləri, həm də təəssüf ki,olduqca dar bir çərçivədə müzakirəyə çıxarır.

Yazırsan inciyirlər, yazmırsan olmur.

Rəqəmsal transformasiya dövründə ölkə başçısının müəyyən etdiyi hədəflər xeyli fərlidir, qlobal çağırışlara uyğun olaraq daha müasir və daha aktual tələblər qarşıya qoyulur.

Bizdə aparılan rəqəmsallaşma da fərqli çağırışlar müəyyən edir. Ümumiyyətlə, düşünürəm ki, NRYTN prioritetlərin müəyyən edilməsi, bütün səlahiyyətli dövlət qurumlarının və bütün maraqlı tərəflərin cəlb edilməsi, daha aktual movzuların müzakirəyə şıxararaq hökumət üçün təkliflərin hazırlanmasına diqqəti çox artırmalıdır".