MÜSAHİBƏ

Xeberler.az məlumat verir ki, Təhsil Nazilriyi tərəfindən “İT sənayesinin tendensiyaları: təhsilə təsiri” mövzusunda tədbir keçirilib.

Nazirliyin əsas İT qurumu olan Təhsil Sisteminin İnformasiyalaşdırılması İdarəsi əsas texnoloji tendensiyalar barədə məlumat verib. Süni intellektin tətbiqi, big data, əşyaların interneti, blokçeyn texnologiyasının tətbiqinin genişlənməsi, bulud texnologiyalarının inkişafı və s. bu kimi məslələrə geniş yer verilib.

Azərbaycan İnternet Formunun Prezidenti, ekspert Osman Gündüz məsələyə münasibətini bildirib. Ekspertin fikrincə, Təhsil Nazirliyi prioritetlərlə bağlı, cari və strateji məsələlərin müəyyən edilməsi ilə bağlı düzgün mövqe tutmayıb.
Hazırda ciddi müzakirəyə ehtiyacı olan, prioritet hesab oluna biləcək məsələlər daha çox başqa istiqamətlərdə ola bilər. 

Osman Gündüz düşünür ki, bütün təhsil müəssislələrində anbarlarda yığılıb qalan, istifadəyə yararsız KÜR və s. modeldən olan kompüter və noutbukların taleyi, gələn il üçün məktəblərə İKT servis işinin necə təşkil edilməsi daha vacib məsələlərdir.

Onun fikrincə, ümumtəhsil müəssisələrində “hər şagirdə düşən kompüterlərin sayı” göstəricisinə görə vəziyyət pisliyə görə dəyişir. Çünki köhnələr sıradan çıxır yeniləri isə çox az verilir. Nazirlik bununla bağlı həyəcan siqnalı verməli və yeni resurslar axtarmalıdır.