“Samsung” maye-kristal modulların istehsalını Çin və Vyetnama köçürür

24-04-2015 / 15:23

Maye-kristal və “OLED” biznes bölməsi ayrılandan sonra “Samsung Display” şirkəti maye-kristal modulların istehsalını Çin və ya Vyetnama köçürməyə hazırlaşır.

Xəbərlər RYTN-nin rəsmi saytına istinadən məlumat verir ki,  hazırda bu istehsal Cənubi Koreyada cəmləşib, son vaxtlar isə ölkədə əməkhaqqı xərcləri xeyli artıb.

Maye-kristal modulların yığılmasının əl əməyi tələb etməsini nəzərə alan "Samsung Display” hazır məhsulun maya dəyərinin azaldılması üçün istehsal xətlərinin ölkədən kənara köçürülməsi barədə düşünür. Buna baxmayaraq avtomatlaşdırılmış panel istehsalı Cənubi Koreyada saxlanılacaq.

Son vaxtlar “Samsung” Vyetnamda iştirakını genişləndirir. Məsələn, ötən ilin sonunda Koreya şirkətinin Vyetnamda dəyəri 3 milyard dollar təşkil edən zavod tikməklə bağlı planları məlum olub. Digər layihə bu ölkədə televizor istehsalına 560 milyon dollarlıq investisiya qoyuluşunu nəzərdə tutur.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.