Vüsal Qasımlının Startup Fest 2019-un rəsmi açılış mərasimində iştirak edib

25-11-2019 / 18:27

Xeberler.az bildirir ki, dövlət informasiya sistemlərinin və ehtiyatlarının formalaşdırılması, saxlanılması, aparılması və inteqrasiyasının effektiv təşkili yolu ilə dövlət idarəçiliyində səmərəliliyin artırılması və rəqəmsal ekosistemin yaradılması üçün Prezident İlham Əliyevin tapşırığı əsasında “Hökumət buludu” (G-cloud) yaradılıb. Azərbaycanda “Əhalisinin Dövlət Reyestri”, “Torpaq kadastrı”, “Daşınmaz əmlakın vahid dövlət kadastrı”, “Dövlət su kadastrı”, “Ünvan reyestri”, “Vahid miqrasiya məlumat sistemi”, “Hüquqi şəxslərin dövlət reyestri”, “Qeyri-kommersiya hüquqi şəxslərinin dövlət qeydiyyatı”, “Normativ hüquqi aktların reyestri”, “Mərkəzləşdirilmiş kredit reyestri”, “Dövlət xidmətlərinin elektron reyestri”, Azexport.az kimi elektron informasiya resursları mövcuddur. Elektron imza sertifikatları yeni nəsil şəxsiyyət vəsiqələrində tətbiq edilməklə rəqəmsal transformasiya imkanlarını artırır. “Bulud” texnologiyasının dövlət və özəl sektorda tətbiqi məqsədilə data mərkəzlərinin infrastrukturu gücləndirilir, TIER III səviyyəli dövlətin Data Mərkəzi ilə yanaşı, həm də digər data mərkəzləri yaradılır. Dünyada rəqəmsal transformasiyadan sonra kvant transformasiyasına keçid olacaq. Azərbaycanın bu çağırışa da cavab verməsi şərtdir.

Elektron hökumətlə yanaşı, elektron məhkəmə, habelə www.monitoring.az portalı vasitəsilə montorinq və qiymətləndirmə sistemi və www.azranking.az portalı üzərindən islahatların generasiyası da rəqəmsallaşıb. Strateji yol xəritələrinin tələbinə uyğun olaraq bank sektorunda rəqəmsal transformasiya üzrə tədbirlər planı qəbul edilmişdir. Hazırda kiçik və orta biznesin rəqəmsal keçidinə dəstək vermək üçün İqtisadi İslahatların Təhlili və Kommunikasiya Mərkəzi tərəfindən yaradılan rəqəmsal platforma CRM-ERP sistemi əsasında qurulub ki, onun da funksionallığına aşağıdakılar daxildir: Mühasibat uçotu, HR menecmenti, istehsalın idarə edilməsi, multi kanal satışlar, satınalmalar, CRM və s. www.enterpriseazerbaijan.com portalı ilk dəfə olaraq kickstarter vasitəsilə Azərbaycan startaplarına xarici bazarlardan sərmayə cəlbini həyata keçirir.Süni intellekt, Big Data, sabit genişzolaqlı biznes, sabit mobil konvergensiya, bulud texnologiyaları, mobil maliyyə xidmətləri, əşyaların interneti, innovativ multifunksional televiziya, maşınlararası əlaqə, maliyyə texnologiyaları kimi yeni texnologiyalar sürətlə həyatımıza daxil olur. Həm dövlət, həm də biznes bu çağırışlara cavab verməlidir. Biz Azərbaycanda startap inkişafını ya regional, ya da ki, sub-sektorlar əsasında təmin etməliyik. Azərbaycan Rəqəmsal Ticarət Qovşağı konsorsiumu çərçivəsində ölkəmizin İpək Yolu boyunca “rəqəmsal transformasiya”ya dəstək verməsi təmin edilir. Bu istiqamətdə infrastruktur (IaaS), platforma (PaaS), tətbiqi proqram (SaaS) modelləri əsasında İpək Yolunun rəqəmsallaşmasına Azərbaycan öz töhfəsini verəcək.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə