AVADANLIQ

Əvvəllər alıcılar telefon alacaqları zaman müəyyən xüsusiyyətlərinə baxıb qərar verirdilər. Buna misal olaraq, vibrasiya, müxtəlif melodiyalar, oyun və buna oxşar xüsusiyyətlər telefon seçmək üçün kafi idi.

Lakin texnologiyanın inkişafı, insanlarda telefon alışını xeyli kompleksli hala saldı. Artıq bir ağıllı telefon alarkən prosessoruna, yaddaşına, kamerasından ekran ölçüsünə qədər bir çox meyarlara uyğun seçim edirik. Təbii olaraq insanın seçimində bu qədər meyarlar olduqda qərarsız qalır.

Xeberler.az olaraq son model ağıllı telefonların hansı prosessorlarla təchiz olunduğunu araşdırdıq.

Bu yazımızla, alacağınız üst səviyyəli bir telefonun neçə nüvəli prosessorla təchiz olunduğunu və hansı qrafik prosessorla işlədiyini biləcəksiniz. Beləliklə ağıllı telefon alarkən rahat bir seçim etmənizə kömək edəcəyik.

LG G4

CPU (Prosessor):  6 nüvəli Qualcomm Snapdragon 808

GPU (Qrafik Prosessor):  Adreno 418

RAM (Əməli yaddaş):  3 GB

LG G4-də təchiz olunan Snapdragon 808, bir çox üst səviyyəli telefonda istifadə edilən Snapdragon 810-dan ən böyük fərqi, H265 kodlama dəstəyinin olmamasıdır. H265 kodlama sistemi yüksək qrafikalı videoların göstərməsini təmin edir.

Samsung Galaxy S6

CPU (Prosessor):  8 nüvəli Exynos 7420

GPU (Qrafik Prosessor):  Mali-T760MP8

RAM (Əməli yaddaş):  3 GB

Samsung Galaxy Note 5

CPU (Prosessor):  8 nüvəli Exynos 7420

GPU (Qrafik Prosessor):  Mali-T760MP8

RAM (Əməli yaddaş):  4 GB

Samsung, Galaxy S6-dan sonra satışa təqdim etdiyi Galaxy  Note 5-də də 8 nüvəli Exynos 7420-dən istifadə etmişdi. Samsung şirkətinin istehsalı olan Exynos 7420 prosessoru hazırda ən güclü prosessorlardan hesab edilir.

HTC ONE M9

CPU (Prosessor):  8 nüvəli Snapdragon 810

GPU (Qrafik Prosessor): Adreno 430

RAM (Əməli yaddaş):  3 GB

Qualcomm şirkətinin ən problemli prosessoru olan Snapdragon 810, xüsusilə qızma və performans problemləri ilə HTC One M9-un satışlarının azalmasında böyük rol oynamışdı.

HTC ONE M9 Plus

CPU (Prosessor): 8 nüvəli Mediatek MT6795T Helio X10

GPU (Qrafik Prosessor): PowerVR G6200

RAM (Əməli yaddaş): 3 GB

HTC-nin Snapdragon 810-la təchiz olunan One M9 modelindən sonra satışa təqdim etdiyi One M9 Plus, Mediatek MT6795T Helio x10 prosessoru ilə təchiz olundu. Bu prosessorun 8 nüvəli olmasına baxmayaraq, performans olaraq törəmələrindən bir xeyli geridə qaldığını deyə bilərik.

Sony Xperia Z5

CPU (Prosessor):  8 nüvəli Snapdragon 810

GPU (Qrafik Prosessor):  Adreno 430

RAM (Əməli yaddaş):  3 GB

iPhone 6s

CPU (Prosessor):  Cüt nüvəli Apple A9

GPU (Qrafik Prosessor): PowerVR GT7600

RAM (Əməli yaddaş):  2 GB

Apple-ın Samsung və TSMC şirkətləri tərəfindən istehsal edilən A9 prosessorları digər prosessorlardan performans baxımından fərqlənir.  Apple A9 prosessoru cüt nüvəli olsada, hazırda ən güclü prosessordur. Sınaqdan keçirilən zaman Apple A9 prosessorunun A8 prosessorundan 80 faiz daha güclü olduğu sübut edilib.

LG V10

CPU (Prosessor):  6 nüvəli Snapdragon 808

GPU (Qrafik Prosessor): Adreno 418

RAM (Əməli yaddaş):  4 GB

Snapdragon 810 prosessorundan fərqli olaraq daha stabil performansa malik olan Snapdragon 808 prosessoru Qualcomm şirkətinin ən yaxşı məhsullarından hesab olunur.

Huawei Nexus 6P

CPU (Prosessor):  8 nüvəli Snapdragon 810

GPU (Qrafik Prosessor): Adreno 430

RAM (Əməli yaddaş):  3 GB

Huawei Mate S

CPU (Prosessor):  8 nüvəli HiSilicon Kirin 935

GPU (Qrafik Prosessor): Mali-T628 MP4

RAM (Əməli yaddaş):  3 GB

Samsung şirkəti kimi Huawei şirkəti də bu modelində öz istehsalı olan prosessordan istifadə edib.

Huawei-in bu il satışa təqdim etdiyi yeni modelində təchiz olunan Kirin 935 prosessoru, performans cəhətdən Snapdragon 808 prosessoru ilə eyni səviyyədədir.

Ağasəf Haqverdiyev