6 ildə WhatsApp necə dəyişdi?

07-09-2015 / 13:16

WhatsApp mesajlaşma tətbiqi 2009-cu ildə Yahoo-nun keçmiş əməkdaşları Brain Acton və Jan Koum tərəfindən yaradılıb. 2009-cu ilin noyabr ayında ilk dəfə WhatsApp iPhone istifadəçiləri üçün təqdim olunub. İki ay sonra isə WhatsApp-ın Blackberry versiyası hazırlanıb.

2010-cu ildə Android istifadəçiləri tərəfindən istifadə olunur. 6 ildir fəaliyyət göstərən WhatsApp–da bu günə kimi bir çox dəyişikliklər olub.

Xeberler.az bu illər ərzində WhatsApp–da olan dəyişiklikləri araşdırıb.


WhatsApp yarananda ilkin versiyasında sadəcə yazı göndərmək mümkün idi.  2009-cu ilin dekabr ayında isə WhatsApp-a şəkil göndərmək funksiyası əlavə olundu.

2011-ci ildə tətbiq App Store-da ən populyar 20 tətbiq arasında yer alırdı. Hazırki versiyadan fərqi isə  "göndərildi" işarəsinin mətnin sonunda yox, əvvəlində olması idi.

2012-ci ildə WhatsApp-da texniki problemlər olduğuna görə, bu tətbiq  iOS və Windows Phone smartfonlarda silindi. Whatsapp 4 gün sonra App Store-da yenidən istifadəyə verilsə də, lakin Windows Phone-lar üçün 2014-cü ildə aktivləşdi.

2013-cü ildə WhatsApp-ın artıq 400 milyon istifadəçisi var idi. Bu isə digər mesajlaşma tətbiqlərinə görə daha çox WhatsApp-ın istifadə edilməsini sübut edirdi. Bu versiyada işlədilən emosiyalar hazırda göndərdiyimiz emosiyalardan fərqli idi.


2014-cü ildə Facebook WhatsApp-ı 19 milyard dollara aldı. Bundan sonra WhatsApp-da bir sıra dəyişikliklər edildi. Belə ki, göndərilən mesajların oxunub oxunmaması haqqında işarələr əlavə olundu.  

Yeni funksiyaların köməyi ilə artıq hesabınızdakı informasiyaların gizliliyini artıq özünüz tənzimləyə bilirsiniz. Whatsapp Web isə həmin  ilin sonunda təqdim olundu.

2015-ci ildə WhatsApp-a söhbətləri səssizə almaq, hər istifadəçiyə uyğun musiqi qoymaq kimi funksiyalar əlavə olundu. Həmçinin Whatsapp Web iOS istifadəçiləri üçün təqdim olundu.

 

Sevinc Əsədova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.