“Elektron Təhsil” Respublika müsabiqəsinin qalibləri mükafatlandırıldı

26-12-2014 / 13:44

“Elektron təhsil” respublika müsabiqəsinin qaliblərinin mükafatlandırılması mərasimi keçirilib.

Xeberler.az-ın məlumatına görə, tədbirdə iştirak edən təhsil nazirinin müavini Ceyhun Bayramov müsabiqənin 2010-cu ildən etibarən keçirildiyini bildirib: “Bu illər ərzində müsabiqəyə 3000-ə yaxın layihə təqdim olunub, bunların da yalnız 1104-ü bu il təqdim olunan layihələrdir. Bu da onun göstəricisidir ki, müsabiqəyə maraq günü-gündən artır. Müsabiqə 3 əsas istiqamət və 7 nominasiya üzrə təşkil olunub. Son nəticədə 21 nəfər qalib olub, 47 nəfərin işi isə fərqləndirilib.

Nazir müavininin sözlərinə görə, müsabiqənin rəsmi internet səhifəsində 6930 müəllim, 1877 tələbə, 5349 şagirdvə 638 valideyn qeydiyyatdan keçib: "Bu isə hər il keçirilən müsabiqənin uğurunu göstərir. İKT-nin təhsildə tətbiq edilməsi istiqamətində Azərbaycan dövləti davamlı addımlar atır. 10 mindən artıq kompüterin məktəblərə verilməsi, elektron lövhələrlə təhciz olunması bu sahədə görülən işlərin bir hissəsidir”.

Müsabiqənin keçirilməsində məqsəd elektron tədris resurslarının, internet texnologiyalarının tədris prosesinə tətbiqini gücləndirmək, tədris məqsədləri üçün internetdən istifadəninyeniüsullarını öyrənmək və tədris prosesində informasiya texnologiyalarından fəal istifadə edən müəllimləri həvəsləndirməkdən ibarətdir.

Qaliblərə mükafatlar təqdim olunub:

I yer- Kompüter

II yer- Planşet

III yer- Printer

Fərqləndirilən layihələrin sahiblərinə isə data kart və antivirus proqramı təqdimolunub.

Müsabiqənin keçirilməsinə “AZEDUNET”, “Edumedia”, “Ultra”, “Mədəd Azərbaycan”, “İntel” korporasiyasının “Gələcək üçün təhsil” proqramı, “Nar Mobile” və “Dr.Web” şirkətləri sponsorluq edib.

 

Jalə Şahinqızı

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.