Ən təhlükəsiz smartfon təqdim edilib

01-05-2017 / 16:21

Son zamanlar mobil qurğularda fərdi məlumatların mühafizəsi fəal müzakirə mövzusuna çevrilib.

Xeberler.az xarici mediaya istinadən məlumat verir ki, buna görə də bəzi şirkətlər yüksək təhlükəsizlik səviyyəsinə malik qurğular istehsal edirlər.

Tanınmış antivirus proqram təminatı istehsalçısıCon Makafi də belə qadcet təqdim edib.

O, yeni qurğunun indiyədək mövcud olmuş qurğular arasında ən təhlükəsiz smartfon olacağını iddia edir.

“Smartfonun aparat hissəsinə böyük investisiya yatırılıb. Qurğunun arxa panelinə quraşdırılmış bir sıra kommutatorlar istifadəçiyə akkumulyator, kamera, mikrofon, Wi-Fi, GPS və Bluetooth-u söndürməyə imkan verir. Bundan əlavə, smartfon anonim veb-axtarış funksiyasına malikdir”, – deyə Con Makafi bildirib.

John McAfee Privacy Phone adlı qurğu cari ilin sonunda satışa çıxarılacaq. Onun texniki xarakteristikaları barədə hələ ki, heç bir məlumat verilmir. Smartfonun qiyməti 1100 ABŞ dolları təşkil edəcək.

Xeberler.az

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə